ရန်ကုန်၊ ဖေဖော်ဝါရီ ၂၀
မြန်မာနိုင်ငံသည် နိုင်ငံအဆင့်ဥာဏ်ရည်တု (AI) နည်းပညာ၏မဟာဗျူဟာနှင့် မူဝါဒများဆိုင်ရာ မူကြမ်းကို တက်ကြွစွာ ရေးဆွဲနေကြောင်း ဗုဒ္ဓဟူးနေ့ထုတ်မြန်မာ့အလင်းနေ့စဉ်သတင်းစာတွင် ဖော်ပြထားသည်။
နိုင်ငံအဆင့်ဉာဏ်ရည်တုနည်းပညာဆိုင်ရာ မဟာဗျူဟာနှင့် မူဝါဒ မူကြမ်းရေးဆွဲရေးအတွက် စတုတ္ထအကြိမ်မြောက် ညှိနှိုင်းအစည်းအဝေးကို အင်္ဂါနေ့က နေပြည်တော်၌ ကျင်းပခဲ့ကြောင်း အဆိုပါ သတင်းစာတွင် ဖေါ်ပြထားသည်။
အဆိုပါ အစည်းအဝေးတွင် သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဦးမျိုးသိန်းကျော်က နိုင်ငံတော်အဆင့် AI နည်းပညာ မူဝါဒ၊မူကြမ်းကို မြန်မာနိုင်ငံ၏ ဖွံ့ဖြိုးတိုးတက်ရေးကဏ္ဍများတွင် AI နည်းပညာကို ထိထိရောက်ရောက် ပေါင်းစပ်အသုံးချနိုင်ရန် ရည်ရွယ်၍ ရေးဆွဲနေကြောင်း ပြောကြားခဲ့သည်။ AI နည်းပညာသည် ကမ္ဘာ့စီးပွားရေးနှင့် လူ့အဖွဲ့အစည်းတွင် အရှိန်အဟုန်ဖြင့် တိုးတက်လျက်ရှိသည်ဟုလည်း သတင်းစာက ရေးသား ဖော်ပြထားသည်။
ပြည်ထောင်စုဝန်ကြီးက အဆိုပါမူဝါဒချမှတ်မှုသည် ပြည်သူများအတွက် AI နည်းပညာကို အသုံးပြုရာတွင်လိုက်နာရမည့် ကျင့်ဝတ်၊ စံနှုန်းများနှင့် စည်းမျဉ်းစည်းကမ်းများအကြောင်း ပိုမိုသိနားလည်စေရန်နှင့် AI ၏အခန်းကဏ္ဍအတွက် လူ့စွမ်းအားအရင်းအမြစ်များ ဖွံ့ဖြိုး တိုးတက်စေရန်၊ နိုင်ငံတကာမှ မိတ်ဖက်များနှင့် စနစ်တကျ ပူးပေါင်းဆောင်ရွက်ရန် ရည်ရွယ်ထားသည်ဟု သတင်းစာက ဖော်ပြခဲ့သည်။
AI ပညာရှင်များနှင့် AI ဖြင့် အသက်မွေးဝမ်းကျောင်းသူများသည် အနီးကပ်ပူးပေါင်းဆောင်ရွက်ကြရန် အရေးကြီးကြောင်းလည်း ၎င်းက ဝန်ကြီးက အလေးပေး ပြောကြားခဲ့သည်ဟု သတင်း၌ ဖော်ပြထားသည်။
Ref: ရှင်းဟွာ