ဝါရှင်တန်၊ဒီဇင်ဘာ ၂
BRICS ထိပ်သီးအဖွဲ့အနေဖြင့် ဒေါ်လာအစား အခြားငွေကြေးတစ်ခုခုကို အစားထိုးအသုံးပြုခြင်းမျိုးကို ပြုလုပ်လာပါက အဆိုပါအဖွဲ့ဝင်နိုင်ငံများကို ရာနှုန်းပြည့် အခွန်ကောက်ခံသွားမည်ဖြစ်ကြောင်း ရွေးကောက်ခံသမ္မတဒေါ်နယ်ထရမ့်ပ်ကပြောကြားခဲ့သည်။
“အကယ်၍ BRICS အဖွဲ့အနေနဲ့ အင်အားကြီး ဒေါ်လာအစား တခြားငွေကြေးအစားထိုးသုံးစွဲတာပဲဖြစ်ဖြစ်၊အဖွဲ့အတွက် သီးသန့်ငွေကြေးယူနစ်ထုတ်လုပ်သုံးစွဲတာပဲ ဖြစ်ဖြစ်လုပ်လာမယ်ဆိုရင် အခွန်စည်းကြပ်မှုကိုလည်း ရာနှုန်းပြည့်ခံရမှာဖြစ်သလို အမေရိကနဲ့လည်း စီးပွားရေးဆက်ဆံမှုလုပ်နိုင်မှာမဟုတ်တာကို ကြိုတွေးထားဖို့လိုပါတယ်” ဟုလည်း၎င်းကပြောကြားခဲ့သည်။
“အဖွဲ့ဆီကနေ ဒေါ်လာငွေကြေးအသုံးပြုမှုနှင့်ပတ်သက်ပြီး ခိုင်မာတဲ့ကတိကဝတ်တွေရဖို့ ကျွန်တော်တို့မျှော်လင့်ထားပါတယ်” ဟုလည်းပြောကြားခဲ့သည်။
BRICS ထိပ်သီးအဖွဲ့တွင် ဘရာဇီး၊ရုရှား၊အိန္ဒိယ၊တရုတ်နှင့်တောင်အာဖရိကပါဝင်ပြီး ၂၀၁၁ ခုနှစ်ကတည်းက စတင်တည်ထောင်ခဲ့ခြင်းဖြစ်ကာ ယခုနှစ်အစောပိုင်းက အီရန်၊ယူအေအီး၊အီသီယိုးပီးယားနှင့်အီဂျစ်တို့က မိတ်ဖက်နိုင်ငံများအဖြစ် တရားဝင်လေ့လာသူများဖြစ်လာကြသလို အခြားစုစုပေါင်း ၃၄ နိုင်ငံခန့်ကလည်း အဖွဲ့ဝင်ဖြစ်ရန်စိတ်ဝင်စားကာ လျှောက်ထားခဲ့ကြသည်ဟုသိရသည်။
Source : ရဟူးနူးစ်