ထိုင်းအနေဖြင့်တရုတ်နှင့်အစဉ်အလာချစ်ကြည်ရင်းနှီးမှုဆက်ထိန်းထားမည်

ပေကျင်း၊ဖေဖော်ဝါရီ ၇

ထိုင်းနိုင်ငံအနေဖြင့် တရုတ်နှင့်အစဉ်အလာချစ်ကြည်ရင်းနှီးမှုကိုဆက်လက်ထိန်းသိမ်းသွားရန် သန္နိဋ္ဌာန်ချမှတ်ထားကြောင်း ဝန်ကြီးချုပ်ပေတုန်တန်က ၎င်း၏တရုတ်ခရီးစဉ်အတွင်းပြောကြားခဲ့သည်။

ယခုနှစ်သည် တရုတ်နှင့်ထိုင်းနှစ်နိုင်ငံအကြား သံတမန်ဆက်ဆံရေး နှစ် ၅၀ ပြည့်အထိမ်းအမှတ်နေ့လည်းဖြစ်သဖြင့် ယခုကဲ့သို့ အချိန်ကြာမြင့်စွာ သံတမန်ဆက်ဆံရေးကိုထိန်းသိမ်းနိုင်မှုအပေါ် ဝမ်းမြောက်ဂုဏ်ယူကာ ကျေးဇူးတင်ကြောင်းလည်းဆိုခဲ့သည်။

နှစ်နိုင်ငံချစ်ကြည်ရေးအထိမ်းအမှတ်ပွဲပေါင်းများစွာကို ကျင်းပပြုလုပ်နိုင်ခဲ့သည်။ ဥပမာအားဖြင့် တရုတ်နိုင်ငံမှဗုဒ္ဓစွယ်တော်ကို ထိုင်း နိုင်ငံသို့ပင့်ဆောင်ပူဇော်နိုင်ခဲ့ခြင်းသည် ကာလရှည်ကြာသောချစ်ကြည်ရေးတွင် စာမျက်နှာသစ်တစ်ခုဖြစ်လာခဲ့သည်ဟုဆိုသည်။

ယင်းနောက် တရုတ်နိုင်ငံ၏ လျင်မြန်စွာတိုးတက်လာမှုနှင့်တရုတ်ခေါင်းဆောင်များ၏ နိုင်ငံ့ဖွံ့ဖြိုးတိုးတက်ရေးကြိုးပမ်းအားထုတ်မှုများကို လေးစားအားကျအသိအမှတ်ပြုကာ နမူနာယူလျက်ရှိသည်ဟုလည်းပြောကြားခဲ့သည်။

လာအိုမှတဆင့် ထိုင်းနိုင်ငံနှင့်တရုတ်နိုင်ငံကို ဆက်သွယ်ပေးမည့် မြန်နှုန်းမြင့်ရထားလမ်း စီမံကိန်း၏ ဒုတိယအဆင့်ကိုလည်း ထိုင်းအစိုးရအဖွဲ့က အင်္ဂါနေ့ကအတည်ပြုခဲ့သည်။

ဆက်လက်၍ ပေတုန်တန်သည် အခြေခံအဆောက်အဦဆိုင်ရာ ပူးပေါင်းဆောင်ရွက်မှုနှင့် ရပ်ဝန်းနှင့်လမ်းမစီမံကိန်းအောက်တွင် ကုန်သွယ်မှုနှင့် စီးပွားရေးဆိုင်ရာ ပူးပေါင်းဆောင်ရွက်မှုကို မြှင့်တင်ရန်ပါထပ်မံအတည်ပြုခဲ့သည်ဟုလည်းသိရသည်။

Source : ရှင်းဟွာ