ထိုင်းနိုင်ငံတွင် လွန်ခဲ့သည့်နှစ်လအတွင်းတုပ်ကွေးဖြစ်ပွားသည့် လူနာ ၁၃၀,၀၀၀ ကျော် ရှိခဲ့မှုကြောင့် တုပ်ကွေးရောဂါဖြစ်ပွားမှု မြင့်တက်နေကြောင်း ရောဂါထိန်းချုပ်ရေးဌာန(DOC) က အများပြည်သူကို သတိပေးချက် ထုတ်ပြန်လိုက်သည်။
ဇန်နဝါရီ ၁ ရက်မှ ဖေဖော်ဝါရီ ၂၄ ရက်အထိ တုပ်ကွေးလူနာ ၁၃၁,၈၂၆ ဦးရှိခဲ့ပြီး ေ-သဆုံးသူ တစ်ဒါဇင်ရှိခဲ့သည်ဟု DOC ညွှန်ကြားရေးမှူးချုပ် ဒေါက်တာ Panumas Yanwetsakul က ပြောကြားခဲ့သည်။
တုပ်ကွေးလူနာအများစုသည် အသက် ၅ နှစ်မှ ၉ နှစ်အကြား ကလေ-းများဖြစ်ပြီး ၄ နှစ်အောက်က-လေးများနှင့် အသက် ၁၀ နှစ်မှ ၁၄ နှစ်အကြား ကလေ-းများသည်လည်း ဒုတိယအဖြစ်အများဆုံးဟု ဆိုသည်။
ရောဂါကူးစက်နိုင်ခြေသည် ယမန်နှစ် အလားတူကာလကထက် အနည်းဆုံး ၁ ဒဿမ ၆ ဆ မြင့်မားဖွယ်ရှိပြီး လွန်ခဲ့သည့် ၅ နှစ်အတွင်း ပျှမ်းမျှရောဂါဖြစ်ပွားမှုနှုန်းထက် ပိုမိုမြင့်မားမည်ဖြစ်ကြောင်း ၎င်းက ပြောကြားခဲ့သည်။
ထိုင်းနိုင်ငံတွင် ၂၀၂၄ ခုနှစ်အတွင်း တုပ်ကွေးရောဂါဖြစ်ပွားသူ ၆၆၈,၀၂၇ ဦးနှင့် ေ-သဆုံးသူ ၅၁ ဦးရှိခဲ့ပြီး ရောဂါဖြစ်ပွားမှု အများစုသည် AH1N1 မျိုးကွဲဗိုင်းရပ်စ်ဖြစ်သည်ဟု ဆိုသည်။
တုပ်ကွေးရောဂါပျံ့နှံ့မှုကို လျှော့ချရာတွင် အထောက်အကူဖြစ်စေရန်အတွက် ရောဂါလက္ခဏာပြသူများအနေဖြင့် သုံးရက်မှ ခုနစ်ရက်ခန့် သို့မဟုတ် ရောဂါပျောက်ကင်းသည်အထိ နေအိမ်တွင်သာ နေသင့်ကြောင်းနှင့် ရောဂါလက္ခဏာပြင်းထန်ပါက ဆရာဝန်နှင့် ချက်ချင်းပြသသင့်ကြောင်း ၎င်းက ပြောသည်။
လက်များကို ပုံမှန်ဆေးကြောရန်နှင့် လူစုလူဝေးနေရာများသို့ သွားသည့်အခါ နှာခေါင်းစည်းတပ်ကြရန် အများပြည်သူကို အကြံပြုထားကြောင်း သိရသည်။
Ref: ဘန်ကောက်ပို့စ်