ထရမ့်ကို စွပ်စွဲပြစ်တင်ခြင်း စတင်ရန် ဒီမိုကရက်အမတ်တောင်းဆို

အမေရိကန် ဒီမိုကရက်တစ်ပါတီ လွှတ်တော်ကိုယ်စားလှယ် အယ်လ်ဂရင်း က သမ္မတထရမ့်အား စွပ်စွဲပြစ်တင်ခြင်းကို လုပ်ထုံးလုပ်နည်းများအလျှောက် စတင်ရန် လွှတ်တော်အစည်းအဝေးတစ်ခုတွင် ကြေညာခဲ့သည်။ ထိုအစည်းအဝေးကို C-SPAN ရုပ်သံလိုင်းမှ တိုက်ရိုက်ထုတ်လွှင့်ခဲ့သည်။

အမေရိကန်သည် ဂါဇာကမ်းမြှောင်ဒေသကို သိမ်းပိုက်ကာ ထိုဒေသကို “အရှေ့အလယ်ပိုင်း ကမ်းရိုးတန်း” အဖြစ် ပြောင်းလဲသင့်သည်ဟူသော ထရမ့်ထုတ်ပြန်ချက်ကို မှတ်ချက်ပြုရာတွင် အယ်လ်ဂရင်း က ထိုသို့သော လုပ်ရပ်ကို “လူမျိုးတုံးသုတ်သင်ရေး”ဟု ဖော်ပြခဲ့သည်။ “သမ္မတကို စွပ်စွဲပြစ်တင်ခြင်းပြုလုပ်ရန် လှုပ်ရှားမှုကို စတင်သင့်ပြီဖြစ်သည်။ သမ္မတ၏ ရက်စက်သော အဆိုပြုချက်များနှင့် ရက်စက်သောလုပ်ရပ်များအတွက် သူ့ကိုစွပ်စွဲပြစ်တင်ခြင်းအစပြုရန် ကျွန်ုပ်ထပ်လောင်းကြေညာပါသည်” ဟု သူက ထိုကိစ္စနှင့်ပတ်သက်သည့် အစည်းအဝေးတွင် ပြောကြားခဲ့သည်။

ထရမ့် သည် အမေရိကန်သမိုင်းတွင် နှစ်ကြိမ်တိုင်တိုင် စွပ်စွဲပြစ်တင်မှုဆိုင်ရာ လုပ်ထုံးလုပ်နည်းများနှင့် ရင်ဆိုင်ခဲ့ရသည့် ပထမဆုံးသော သမ္မတဖြစ်သည်။ ထိုကိစ္စနှစ်ခုလုံးသည် သူ၏ ပထမသက်တမ်းအတွင်း ၂၀၁၉ နှင့် ၂၀၂၁ တွင် ဖြစ်ပွားခဲ့သော်လည်း အမေရိကန် ကွန်ဂရက်လွှတ်တော်မှ ပယ်ချခဲ့သည်။