ရန်ကုန်တိုင်း၊ တွံတေးမြို့နယ်၌ စက်တင်ဘာ ၁၂ ရက်မွန်းတည့် ၁၂ နာရီခွဲခန့်က လေပြင်းတိုက်ခတ်မှုကြောင့် ဂျောင်ဝိုင်းကျေးရွာအနီး လယ်ကွင်းပြင်ရှိ တာဝါတိုင်လဲကျမှုဖြစ်ပွားခဲ့ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC)ထံမှ သိရသည်။
၃၃ ကေဗွီ ကနောင်-ခနောင်တိုဓာတ်အားလိုင်းနှင့် လှိုင်သာယာ-ကွမ်းခြံကုန်း(၂)ထပ် ဓာတ်အားလိုင်းတို့တပ်ဆင်ထားသော တာဝါတိုင်လဲကျခဲ့ခြင်းဖြစ်ရာ လျှပ်စစ်ကျွမ်းကျင်ဝန်ထမ်းများကပြန်လည်ပြင်ဆင်ခဲ့ကြကြောင်း သိရသည်။
ထို့ပြင် မီးသုံးစွဲသူများအဆင်ပြေစေရေးအတွက် လျှပ်စစ်ကျွမ်းကျင်ဝန်ထမ်းများက အရံဓာတ်အားလိုင်းမှတစ်ဆင့် လျှပ်စစ်ဓာတ်အားရရှိရေးဆောင်ရွက်ခဲ့ရာ ယနေ့ စက်တင်ဘာ ၁၃ ရက်နေ့လယ် ၃ နာရီခန့်တွင် ယာယီလျှပ်စစ်ဓာတ်အားပြန်ပေးနိုင်ခဲ့ကြောင်း သိရသည်။