ဆိုးလ်၊ဇန်နဝါရီ ၁၉
မအောင်မြင်သည့် စစ်အုပ်ချုပ်ရေးကြေငြာမှုကြောင့် ထိန်းသိမ်းစစ်ဆေးခံနေရသည့် တောင်ကိုရီးယားသမ္မတယွန်းဆော့ယော်အား ထိန်းသိမ်းစစ်ဆေးကာလကို ထပ်မံတိုးမြှင့်လိုက်ကြောင်း တောင်ကိုရီးယားတရားရုံးကကြေငြာခဲ့သည်။
သမ္မတယွန်းကိုထိန်းသိမ်းထားမှုကို ဝရမ်းထပ်ထုတ်ပေးပြီး နောက်ထပ်ရက် ၂၀ တိုးမြှင့်လိုက်ကြောင်းသိရသည်။
သမ္မတယွန်းသည် စနေနေ့က ဆိုးလ်အနောက်ပိုင်းခရိုင်တရားရုံးတွင် ရက်ပေါင်း ၂၀ အထိ ချုပ်နှောင်ထားရန် လိုအပ်ခြင်းရှိမရှိ ကို စစ်မေးသည့် တရားခွင်သို့တက်ရောက်ခဲ့သည်ဟုလည်းသိရသည်။
အကျင့်ပျက်ခြစားမှု စုံစမ်းစစ်ဆေးရေးရုံး အဆင့်မြင့်အရာရှိများက ကနဦး ၁၀ ရက်ကြာ စစ်ဆေးမေးမြန်းပြီးနောက် ယွန်း၏ စစ်အုပ်ချုပ်ရေးကြေငြာမှုကြောင့် ဆူပူအုံကြွစေမှုစွဲချက်ကို ပူးတွဲစစ်ဆေးမှုမလုပ်မီ ကျန် ၁၀ ရက်အတွင်း တရားလိုပြက စစ်ဆေးမေးမြန်းမည်ဖြစ်သည်ဟုဆိုသည်။
မစ္စတာယွန်းသည် ဗုဒ္ဓဟူးနေ့က သမ္မတအိမ်တော်၌ ဖ-မ်းဆီးခံခဲ့ရပြီး ခေတ်သစ်တောင်ကိုရီးယားသမိုင်းတွင် အ-ဖမ်းခံရသည့် ပထမဆုံး လက်ရှိသမ္မတလည်းဖြစ်လာခဲ့သည်။
Source : ရှင်းဟွာ