တရုတ်နိုင်ငံ နိုင်ငံခြားရေးဝန်ကြီး ဝမ်ယိသည် ဧပြီလ ၂၂ ရက်မှ ၂၆ ရက်အထိ ကမ္ဘောဒီးယား၊ ထိုင်းနှင့် မြန်မာနိုင်ငံတို့သို့ သွားရောက်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကော့ကျိခွန်းက ဧပြီလ ၂၁ ရက်နေ့ ပုံမှန်သတင်းစာရှင်းလင်းပွဲတွင် ပြောကြားခဲ့ပြီး အဆိုပါ သုံးနိုင်ငံအား တရုတ်နိုင်ငံ၏ “ချစ်ကြည်ရင်းနှီးသော အိမ်နီးချင်းများ” ဟု ခေါ်ဆိုခဲ့သည်။
တရုတ်နိုင်ငံသည် ပြီးခဲ့သည့်အပတ်က ရုရှားနိုင်ငံခြားရေးဝန်ကြီး ဆာဂေး လက်ဗရော့ဗ်၊ စပိန်ဝန်ကြီးချုပ် ပက်ဒရို ဆန်းချက်ဇ်၊ အဘူဒါဘီ အိမ်ရှေ့မင်းသား ရှိတ်ခါလစ် ဘင် မိုဟာမက် ဘင် ဇာယစ် အယ်လ် နာဟေယန် နှင့် ဗီယက်နမ်ခေါင်းဆောင် တိုလမ် တို့ အပါအဝင် နိုင်ငံခြားခေါင်းဆောင် အများအပြားကို လက်ခံတွေ့ဆုံခဲ့သည်။
“ရာစုနှစ်တစ်ခုမှာ တစ်ကြိမ်သာ ကြုံရတတ်တဲ့ အပြောင်းအလဲများ” နှင့် ရင်ဆိုင်နေရချိန်တွင် “အန္တရာယ်များနှင့် စိန်ခေါ်မှုများ” ကို ကြုံတွေ့နေရသော ဒေသတွင်းနိုင်ငံများနှင့် ဆက်ဆံရေး ပိုမိုနက်ရှိုင်းစေရန် အရှေ့တောင်အာရှ သုံးနိုင်ငံခရီးစဉ်မှတစ်ဆင့် တရုတ်နိုင်ငံက မျှော်လင့်ထားသည်။
တရုတ်ကာကွယ်ရေးဝန်ကြီး တုန်းကျွင်း(Dong Jun) သည်လည်း မစ္စတာဝမ်ယိနှင့်အတူ လိုက်ပါလာမည်ဖြစ်ပြီး ရာထူးတူဝန်ကြီးများနှင့် တွေ့ဆုံသွားမည်ဖြစ်ကြောင်း မစ္စတာကော့က ဆက်လက်ပြောကြားခဲ့သည်။