တရုတ်နိုင်ငံမှမြန်မာနိုင်ငံသို့လှူဒါန်းသည့် ကိုဗစ်(၁၉)ရောဂါကာကွယ်ဆေး အလုံးရေ ၂ သန်းအား မြန်မာနိုင်ငံဆိုင်ရာ အာဆီယံအထူးကိုယ်စားလှယ်လက်ခံရယူပေးခဲ့
မြန်မာနိုင်ငံ၏ ကိုဗစ်(၁၉)ရောဂါကာကွယ်ဆေးထိုးလုပ်ငန်းများ၌ အသုံးပြုရန် တရုတ်နိုင်ငံက အာဆီယံမှတဆင့် ကာကွယ်ဆေးအလုံးရေ ၂ သန်းအား ဇွန် ၃၀ ရက်(ယနေ့)နံနက် ၉ နာရီက ပြည်လမ်းရှိ တရုတ်နိုင်ငံသံအမတ်ကြီးနေအိမ်၌ လွှဲပြောင်းလှူဒါန်းခဲ့သည်။
ထိုသို့ လွှဲပြောင်းလှူဒါန်းရာ အာဆီယံအလှည့်ကျ ဥက္ကဋ္ဌ၏ မြန်မာနိုင်ငံဆိုင်ရာအထူးကိုယ်စား လှယ်၊ကမ္ဘောဒီးယားနိုင်ငံဒု-ဝန်ကြီးချုပ်၊နိုင်ငံ ခြားရေးနှင့်အပြည်ပြည်ဆိုင်ရာပူးပေါင်းဆောင် ရွက်ရေးဝန်ကြီး မစ္စတာပရပ်ဆုတ်ခွန်းတက်ရောက်၍ တာဝန်ရှိသူများနှင့်အတူ လက်ခံရယူပေးခဲ့သည်။
တရုတ်သံအမတ်ကြီးမစ္စတာ Chen Hai က ကိုဗစ်(၁၉)ရောဂါစတင်ဖြစ်ပွားချိန်မှစ၍ တရုတ်- မြန်မာ အချင်းချင်းကူညီကာ အခက်အခဲများအား အတူတကွကျော်ဖြတ်ခဲ့ပြီး တရုတ်နိုင်ငံမှမြန်မာနိုင်ငံအတွက် နှစ်နိုင်ငံလမ်းကြောင်းမှတစ် ဆင့် ကာကွယ်ဆေးအလုံးရေ ၅၁ သန်းအားပံ့ပိုးပေးခဲ့ပြီးဖြစ်ကာ ပြည်တွင်းဖြည့်သွင်းခြင်းနှင့်ကာကွယ်ဆေးထုတ်လုပ်ရာတွင်လည်း မြန်မာ နိုင်ငံအားကူညီပေးခဲ့သည်ဟု ပြောသည်။
“အောက်ဆီဂျင်အရည်နဲ့တခြားလိုအပ်တဲ့ ကပ်ရောဂါတိုက်ဖျက်ရေးပစ္စည်းတွေအတွက် အစိမ်းရောင်လမ်းကြောင်းကိုဖွင့်ပေးပြီး မြန်မာနိုင်ငံမှာ ကူးစက်ရောဂါကာကွယ်ထိန်းချုပ်နိုင်ဖို့ ကူညီပေးခဲ့ပါတယ် တရုတ်နိုင်ငံဟာ မြန်မာနိုင်ငံအတွက် အာဆီယံရဲ့ လူသားချင်းစာနာထောက်ထားမှုဆိုင် ရာအကူအညီတွေကို တက်ကြွစွာထောက်ခံပါတယ်”ဟု တရုတ်သံအမတ်ကြီးကပြောသည်။
ထို့ပြင် အာဆီယံ၏မြန်မာနိုင်ငံဆိုင်ရာအကူအညီပေးရေးဆိုင်ရာကတိပြုပွဲအား မြန်ဆန်စွာအ ကောင်အထည်ဖော်သည့်အနေဖြင့် တရုတ်နိုင်ငံသည် အာဆီယံမှတဆင့် မြန်မာနိုင်ငံသို့ ကာ ကွယ်ဆေးအလုံးရေ ၂ သန်း ထပ်မံထုတ်ပေးခဲ့ခြင်းဖြစ်ကာ တရုတ်နိုင်ငံသည် အာဆီယံနိုင်ငံများအား ကာကွယ်ဆေးအလုံးရေ သန်း ၆၀၀ ကျော် ပံ့ပိုးပေးခဲ့ပြီးဖြစ်သည်ဟု ပြောသည်။
“တရုတ်နဲ့အာဆီယံတို့ဟာ မြန်မာနိုင်ငံရဲ့မိတ်ဆွေတွေဖြစ်တယ် မြန်မာနိုင်ငံဟာ အာဆီယံမိသားစုရဲ့ မရှိမဖြစ်လိုအပ်တဲ့အဖွဲ့ဝင်နိုင်ငံဖြစ်ပါတယ် မြန်မာနိုင်ငံမှာ အခြေအနေတွေပြောင်းလဲလာချိန်ကစပြီး တရုတ်နိုင်ငံက ငြိမ်းချမ်းရေးဆွေးနွေးပွဲတွေ မြှင့်တင်ဖို့အတွက် မြန်မာ၊အာဆီယံတို့နဲ့အကြိမ်ကြိမ်ဆက်သွယ်ပြီး အပြုသဘောဆောင်တဲ့ အခန်းကဏ္ဏကနေပါဝင်ခဲ့ပါတယ်”ဟု တရုတ်သံအမတ်ကြီးကပြောသည်။
ထို့ပြင် အာဆီယံအထူးသံတမန်၏ ညှိနှိုင်းဆောင် ရွက်မှုများနှင့်မြန်မာနိုင်ငံအတွက် လူသားချင်းစာ နာထောက်ထားမှုဆိုင်ရာ အကူအညီများတွင် အာဆီယံအတွင်းရေးမှူးချုပ်ရုံးနှင့် AHA ဗဟိုဌာနတို့အား တရုတ်နိုင်ငံမှထောက်ခံကာ မြန်မာနိုင်ငံ၏ ဒီမိုကရေစီအသွင်ကူးပြောင်းရေး လုပ်ငန်းစဉ်ပြန် လည်စတင်ရာ၌ အပြုသဘောဆောင်သည့် အ ခန်းကဏ္ဍမှပါဝင်ဆောင်ရွက်ရန် အာဆီယံ၊အခြားမိတ်ဆွေပါတီများနှင့်လက်တွဲဆောင်ရွက်သွားမည်ဟု ပြောသည်။
ထို့နောက် အာဆီယံအလှည့်ကျဥက္ကဋ္ဌ၏ မြန်မာ နိုင်ငံဆိုင်ရာအထူးကိုယ်စားလှယ်၊ကမ္ဘောဒီးယားနိုင်ငံ ဒု-ဝန်ကြီးချုပ်၊နိုင်ငံခြားရေးနှင့်အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး မစ္စတာပရပ်ဆုတ်ခွန်းနှင့် H.E.Mr.Ekkaphab phanthavong တို့ကအမှာစကားများပြောကြားကာ တရုတ်သံအမတ်ကြီးမှ အာဆီယံမှတဆင့် မြန်မာနိုင်ငံသို့လှူဒါန်းသည့် ကာကွယ်ဆေးအလုံးရေ ၂ သန်းအား ကျန်းမာရေးဝန်ကြီးဌာန၊ဒု-ဝန် ကြီးဒေါက်တာအေးထွန်း၊တာဝန်ရှိသူများနှင့်အ တူ လွှဲပြောင်းလက်ခံရယူခဲ့သည်။
