ပေကျင်း၊ ဇူလိုင် ၁၄ ရက်
တရုတ်နိုင်ငံ၏ ထိပ်တန်းနိုင်ငံရေးအကြံပေးပုဂ္ဂိုလ် ဝမ်ဟူနင်း သည် ဇူလိုင်လ ၁၅ ရက် နေ့မှ ၁၇ ရက် နေ့အထိ ကိုရီးယားဒီမိုကရက်တစ်ပြည်သူ့သမ္မတနိုင်ငံ (မြောက်ကိုရီးယား) သို့ သွားရောက်လည်ပတ်မည်ဖြစ်ကြောင်း တရုတ်ကွန်မြူနစ်ပါတီဗဟိုကော်မတီ၏ နိုင်ငံတကာဆက်ဆံရေးဌာန ပြောရေးဆိုခွင့်ရှိသူတစ်ဦးက အင်္ဂါနေ့တွင် ကြေညာခဲ့သည်။
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အမြဲတမ်းကော်မတီဝင် တရုတ်ပြည်သူ့နိုင်ငံရေးအတိုင်ပင်ခံကွန်ဖရင့် နိုင်ငံတော်ကော်မတီ ဥက္ကဋ္ဌ ဝမ်ဟူနင်းသည် ကိုရီးယားအလုပ်သမားပါတီ ဗဟိုကော်မတီနှင့် မြောက်ကိုရီးယားအစိုးရတို့၏ ဖိတ်ကြားချက်အရ တရားဝင်ချစ်ကြည်ရေးခရီးစဉ်အဖြစ် ပါတီနှင့် အစိုးရကိုယ်စားလှယ်အဖွဲ့ကို ဦးဆောင်၍ မြောက်ကိုရီးယားနိုင်ငံသို့ သွားရောက်မည်ဖြစ်ကြောင်း အဆိုပါပြောရေးဆိုခွင့်ရှိသူ၏ ပြောကြားချက်အရ သိရသည်။
Ref: ဆင်ဟွာ