ဂွေယန်၊ ဖေဖော်ဝါရီ ၁၇
တရုတ်နိုင်ငံအနောက်တောင်ပိုင်း ကွမ်ကျိုး ပြည်နယ်၏မြို့တော် ဂွေယန်မြို့နှင့် မြန်မာနိုင်ငံ၏ ရန်ကုန်မြို့နှင့် ဘင်္ဂလားဒေ့ရှ်နိုင်ငံ၏ ဒါကာမြို့တို့ကို ဆက်သွယ်ထားသည့် နိုင်ငံတကာ ကုန်စည်တင်လေကြောင်းခရီးစဉ်သစ်နှစ်ခုကို တနင်္လာနေ့က စတင်ဖွင့်လှစ်ခဲ့သည်။
ဂွေယန် လုံ့ဒုန်ဘော် အပြည်ပြည်ဆိုင်ရာလေဆိပ် ၏ စီမံခန့်ခွဲရေးကိုထိန်းချုပ်သော အော်ပရေတာ Guizhou Civil Aviation Industry Group Co., Ltd ၏ အဆိုအရ၊ ထိုခရီးစဉ်များကို Tianjin Air Cargo မှ ဘိုးရင်း ၇၃၇-၈၀၀အက်ဖ် အမျိုးအစား ကုန်တင်လေယာဉ် များဖြင့် ပျံသန်းပြေးဆွဲမည်ဖြစ်ပြီး အဆိုပါလေယာဉ်များသည် အများဆုံး အလေးချိန် ၂၁ တန်တင်ဆောင်နိုင်မှုရှိပြီး သက်ဆိုင်ရာခရီးစဉ်များကို တစ်ပတ်လျှင် လေးကြိမ်မှ ငါးကြိမ်အထိ ပျံသန်းပြေးဆွဲမည် ဖြစ်သည်။
လက်ရှိတွင် ကိုလ်းကတ္တား, ဒေလီ, ကရာချီ နှင့် မော်စကိုမြို့များသို့လည်း ပြေးဆွဲနေသည်။
ပြည်တွင်းလေကြောင်းခရီးစဉ်များတွင် ကဏန်းနှင့် ငါးရှဉ့်များအပါအဝင် ရေထွက်ကုန်ပစ္စည်းများကို အဓိက ပို့ဆောင်ပေးနေပြီး ပြည်ပလေကြောင်းခရီးစဉ်များတွင် ဖက်ရှင်ပစ္စည်းများ၊ အထည်အလိပ်၊ ပန်းများ၊ အီလက်ထရွန်နစ်နှင့် စက်ပိုင်းဆိုင်ရာ အစိတ်အပိုင်းများကဲ့သို့သော ကုန်ပစ္စည်းများကို သယ်ယူပို့ဆောင် မည်ဖြစ်သည်။
ကုန်သွယ်မှုပိုမိုအဆင်ပြေချောမွေ့စေရန်အတွက်၊ ဂွေယန် လုံ့ဒုန်ဘော် အပြည်ပြည်ဆိုင်ရာလေဆိပ်ရှိ စည်ပင်အကောက်ခွန်အာဏာပိုင်များသည် သွင်းကုန်နှင့် တင်ပို့သည့်ပို့ကုန် ကုန်ပစ္စည်းနှစ်ခုလုံးအတွက် ၂၄နာရီ ပတ်လုံးဖြတ်သွားနိုင်ခွင့် ရရှိရန်ရှင်းလင်းမှုများကို အမြန်လုပ်ဆောင်ပေးပါသည်။
Ref: ရှင်းဟွာ