တရုတ်ခရီးစဉ်အတွင်းနားလည်မှုစာချွန်လွှာ ၁၅ ခုလက်မှတ်ရေးထိုး

ဖေဖော်ဝါရီ ၅

ထိုင်းနိုင်ငံဝန်ကြီးချုပ်နှင့် ဝန်ကြီး ရှစ်ဦးသည် အကြောင်းအရာ အမျိုးမျိုးအတွက် အဓိက ဆွေးနွေးမှုများ ပြုလုပ်ရန် တရုတ်နိုင်ငံသို့ ရောက်ရှိလာသည်။

ဝန်ကြီးချုပ် ပေထုံတန် ရှင်နာဝပ် သည် ဗုဒ္ဓဟူးနေ့မှစနေနေ့အထိ တရုတ်နိုင်ငံသို့ လာရောက်သည့် တရားဝင်ခရီးစဉ်အတွင်းတွင် ထိုင်းနှင့် တရုတ်နှစ်နိုင်ငံသည် နားလည်မှုစာချွန်လွှာ ၁၅ ခု ကို လက်မှတ်ရေးထိုးကြမည်ဖြစ်သည်။

ယခုခရီးစဉ်သည် ထိုင်း-တရုတ် သံတမန်ဆက်ဆံရေး နှစ် ၅၀ ပြည့် နှစ်ပတ်လည်နေ့ဖြစ်ကြောင်း အစိုးရပြောရေးဆိုခွင့်ရှိသူ Jirayu Houngsub က အင်္ဂါနေ့တွင် ပြောကြားခဲ့သည်။ ထိုင်းနှင့် တရုတ်ခေါင်းဆောင်များသည် မြန်နှုန်းမြင့်ရထားလမ်းစီမံကိန်းအပြင် ရင်းနှီးမြှုပ်နှံမှု၊ စီးပွားရေး၊ ပညာရေး၊ AI နှင့် အဆင့်မြင့်နည်းပညာများ ပူးပေါင်းဆောင်ရွက်ရေးတို့ကိုလည်း ဆွေးနွေးမည်ဖြစ်ကြောင်း ၎င်းက ပြောကြားခဲ့သည်။

အဆိုပါ ခရီးစဉ်တွင် ဒုတိယဝန်ကြီးချုပ်နှင့် ပို့ဆောင်ရေးဝန်ကြီး Suriya Jungrungreangkit၊ ဒုတိယဝန်ကြီးချုပ်နှင့် ပြည်ထဲရေးဝန်ကြီး Anutin Charnvirakul၊ ဒုတိယဝန်ကြီးချုပ်နှင့် ဘဏ္ဍာရေးဝန်ကြီး Pichai Chunhavajira၊ ဒုတိယ ဝန်ကြီးချုပ် နှင့် ဒစ်ဂျစ်တယ်စီးပွားရေးနှင့် လူမှုရေးဝန်ကြီး Prasert Jantararuangtong၊ နိုင်ငံခြားရေး ဝန်ကြီး Maris Sangamongsaraw၊ လူမှုရေးဝန်ကြီး Maris Sangiampongsaraw၊ ခရီးသွားလုပ်ငန်းနှင့် အားကစားဝန်ကြီး Sorawong Thienthong၊ လူမှုဖွံ့ဖြိုးတိုးတက်ရေးနှင့် လူသားလုံခြုံရေးဝန်ကြီး Varawut Silpa-archa နှင့် စိုက်ပျိုးရေးနှင့် သမဝါယမဝန်ကြီး Narumon Pinyosinwat တို့ လိုက်ပါလာကြသည်။

ခရီးစဉ်အတွင်း ပေထုံတန် နှင့် တရုတ်သမ္မတ ရှီကျင့်ဖျင် တို့သည် နှစ်နိုင်ငံအကြား နားလည်မှုစာချွန်လွှာ ၁၅ စောင်ကို လက်မှတ်ရေးထိုးရာ၌ တရုတ်ဝန်ကြီးချုပ် Li Qiang မှ သက်သေအဖြစ်ဆောင်ရွက်မည် ဟု Jirayu က ပြောကြားခဲ့ပါသည်။

အဆိုပါ နားလည်မှုစာချွန်လွှာများထဲမှ ခုနစ်ခုကို ထိုင်းအစိုးရအဖွဲ့က အတည်ပြုထားပြီး ငါးထွက်ကုန်တင်ပို့မှု၊ ဉာဏ်ရည်တု၊ အဆင့်မြင့်ပညာရေး၊ စာတိုက်ဝန်ဆောင်မှုများ၊ ဒစ်ဂျစ်တယ်စီးပွားရေးတွင် ရင်းနှီးမြှုပ်နှံမှုနှင့် အစိမ်းရောင်စွမ်းအင် ပူးပေါင်းဆောင်ရွက်ရေး တို့ပါဝင်သည်။ ကျန်ရှစ်ခုမှာ မူ အစိုးရအဖွဲ့၏ ခွင့်ပြုချက်မလိုသော နားလည်မှု စာချွန်လွှာ အသေးစား များဖြစ်ကြောင်း Jirayu က ဆက်လက်ပြောကြားခဲ့သည်။

ကြာသပတေးနေ့တွင် ပေထုံတန် နှင့် ဝန်ကြီးများသည် ရှီကျင့်ဖျင်၊ လီကျင်း နှင့် တရုတ်အမျိုးသားပြည်သူ့ကွန်ဂရက် အမြဲတမ်းကော်မတီဥက္ကဌ Zhao Leji တို့ နှင့် တွေ့ဆုံမည်ဖြစ်သည်။ ညနေပိုင်းတွင် တရုတ်ဝန်ကြီးချုပ်နှင့် အစိုးရတာဝန်ရှိသူများက ထိုင်းဝန်ကြီးချုပ်နှင့် ဝန်ကြီး အဖွဲ့ကို ဧည့်ခံမည်ဖြစ်သည်။

သောကြာနေ့တွင် ပေထုံထန် သည် တရုတ်နိုင်ငံ မြောက်ပိုင်း Heilongjiang ပြည်နယ် Harbin တွင် ၉ ကြိမ်မြောက် အာရှဆောင်းရာသီ အားကစားပြိုင်ပွဲ ဖွင့်ပွဲအခမ်းအနားသို့ တက်ရောက်မည်ဖြစ်ကြောင်း Jirayu ကပြောကြားခဲ့သည်။

Ref: သည်နေးရှင်း