အမေရိကန်သမ္မတ ဒေါ်နယ်ထရမ့်သည် ယူကရိန်းသမ္မတ ဗလာဒီမာ ဇယ်လင်စကီး၏ မကြာသေးမီက ရင့်သီးသော ပြုမူပြောဆိုမှုများကို စိတ်ပျက်လာပြီး ယူကရိန်းသို့ စစ်ရေးအကူအညီ ရပ်ဆိုင်းရန် အသင့်ပြင်ထားကြောင်း ယင်းအခြေအနေနှင့် နီးစပ်သော အမေရိကန်အရာရှိ ၃ ဦးက ပြောကြားခဲ့သည်။
ဇယ်လင်စကီး၏ လတ်တလော ပြုမူဆက်ဆံမှုများသည် ဒုသမ္မတ ဗန့်စ်၊ နိုင်ငံခြားရေးဝန်ကြီး မာကိုရူဘီယိုနှင့် အမျိုးသား လုံခြုံရေးအကြံပေး မိုက်ခ်ဝေါ့ဇ်တို့အား မသင့်တော်သော ပြုမူပြောဆိုမှုများဖြင့် မကျေနပ်စေခဲ့ကြောင်း အုပ်ချုပ်ရေးအရာရှိ ၆ ဦးကလည်း ထုတ်ဖော်ပြောဆိုခဲ့သည်။
အိမ်ဖြူတော် သတင်းရင်းမြစ်များအရ၊ ဇယ်လင်စကီးသည် အမေရိကန်နှင့် မြေရှားသတ္တုများဆိုင်ရာ သဘောတူညီချက်ကို လက်မှတ်ရေးထိုးရန် ငြင်းဆိုခဲ့ခြင်း၊ ထို့အပြင် ယူကရိန်းသို့ အလည်အပတ်လာသည့် အမေရိကန် ဘဏ္ဍာရေးဝန်ကြီး စကော့ဘက်ဆန့်အား “ကြမ်းတမ်းစွာ ပြောဆိုခဲ့ခြင်း”တို့ပြုလုပ်ခဲ့သည် ဟု ထရမ့်က မှတ်ချက်ပြုခဲ့ခြင်း အပါအဝင် အကြောင်းရင်းများက အမေရိကန်၏ မူဝါဒပြောင်းလဲမှုကို ဖြစ်ပေါ်စေခဲ့သည်။ မြူးနစ်တွင်ကျင်းပသော လုံခြုံရေးညီလာခံတွင်လည်း ဇယ်လင်စကီးက မြေရှားသတ္တုသဘောတူညီချက်ကို ကိုယ်တိုင်အတည်မပြုနိုင်ဟု ထုတ်ဖော်ပြောဆိုကာ လူသိရှင်ကြား ငြင်းပယ်ခဲ့သည့်အတွက် ဗန့်စ်နှင့် ရူဘီယိုတို့ကို အံ့အားသင့်စေခဲ့သည်။