စင်ကာပူနိုင်ငံတွင် ဧပြီ ၁၃ ရက်မှ ဧပြီ ၁၇ ရက်အထိ ကျင်းပခဲ့သော 86th Singapore Open Track & Field Championships 2026 ပြိုင်ပွဲတွင် မြန်မာနိုင်ငံကိုယ်စားပြုပြေးခုန်ပစ်အသင်းမှ ကစားသမားများသည် စံချိန်သစ်ရွှေတံဆပ်(၁)ခုနှင့်အတူ ငွေ(၂)ခုနှင့် ကြေး (၁)ခုဆွတ်ခူးနိုင်ခဲ့ကြောင်း သိရသည်။
အောင်ပွဲရမြန်မာနိုင်ငံကိုယ်စားပြုပြေးခုန်ပစ်အသင်းမှ အထွေထွေအတွင်းရေးမှူးဦးကျော်ထူးအောင် ဦးဆောင်၍ နည်းပြ ဦးရှိုင်းအောင်နှင့် ကစားသမား(၄)ဦးသည် ယမန်နေ့ ဧပြီ ၁၈ ရက်ည ၁၀ နာရီခွဲက စင်ကာပူနိုင်ငံမှတစ်ဆင့် ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိလာခဲ့ကြောင်း သိရသည်။
ဆုတံဆိပ်များအား အမျိုးသမီး မီတာ(၁၀,၀၀၀)လမ်း လျှေက်ပြိုင်ပွဲတွင် မဇင်မေထက်က ၅၄:၃၂.၆၄ ဖြင့် ပထမရရှိပြီး စံချိန်သစ်တင်ခဲ့သည်။
အမျိုးသားလှံတံပစ်ပြိုင်ပွဲတွင် မောင်ချစ်မင်းအောင်က ကြေးတံဆိပ်၊ အမျိုးသားမီတာ(၁,၅၀၀)အပြေးပြိုင်ပွဲတွင် မောင်ရဲရင့်အောင်က ငွေတံဆိပ်၊ အမျိုးသား မီတာ(၁၀,၀၀၀)လမ်းလျှောက်ပြိုင်ပွဲတွင် မောင်နိုင်လင်းထွန်းက ငွေတံဆိပ် အသီးသီးဆွတ်ခူးနိုင်ခဲ့ကြကြောင်း သိရသည်။
ပြိုင်ပွဲတွင် စင်ကာပူနိုင်ငံဆိုင်ရာ မြန်မာနိုင်ငံသံအမတ်ကြီး ဒေါက်တာဇော်မင်းအောင်က မြန်မာနိုင်ငံကိုယ်စားပြုပြေးခုန်ပစ်အသင်းအား လာရောက်တွေ့ဆုံအားပေးပြီး ဆုများပေးအပ်ချီးမြှင့်ခဲ့ကြောင်း သိရသည်။