စပါးပေါ်ချိန်တွင် တောင်သူများ ဈေးနှုန်းသင့်တင့်မျှတစွာ ရရှိစေရေးအတွက် ပို့ကုန်တိုးမြှင့်ပြီး တောင်သူလယ်သမားများထံမှ တိုးမြှင့်ဝယ်ယူပေးရန် ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ်က ပြောသည်။
စက်တင်ဘာ (၁၅)ရက်တွင် ပဲခူးတိုင်းဒေသကြီး ဆန်စပါးကဏ္ဍဖွံဖြိုး တိုးတက်ရေးအတွက် အစိုးရ-ပုဂ္ဂလိက တွေ့ဆုံဆွေးနွေးပွဲကို တိုင်းဒေသကြီးအစိုးရအဖွဲ့ရုံး အစည်းအဝေးခန်းမ၌ ပြုလုပ်ခဲ့ကြောင်း သိရသည်။
အစိုးရ-ပုဂ္ဂလိက တွေ့ဆုံ ဆွေးနွေးပွဲတွင် စပါးစိုက်တောင် သူများအား ကူညီပေးရန်၊ မြို့နယ်အလိုက် ဆန်စက်ပိုင်များ၊ ဆန်စပါး ကုမ္ပဏီများမှ မိုးစပါးရာသီ ထွက်ပေါ်လာမည့် စပါးများကို ဝယ်ယူပေးရန်၊ ဝယ်ယူရေး လုပ်ငန်းများကို အ ချိန်မဆိုင်းဘဲ စီစဉ်ဆောင်ရွက်ပေးရန် စသည်တို့ကို တိုင်းဒေသကြီးဝန်ကြီးချုပ်က မှာကြားခဲ့ကြောင်း သိရသည်။
ပုဂ္ဂလိက ကဏ္ဍမှ ပဲခူးတိုင်းဒေသကြီးတွင် Rice Export Zone များ ဖော်ဆောင်နိုင်ရေးအတွက် လည်းကောင်း၊ တန်းမြင့်ဆန်များအား ပြည်ပသို့ တိုးမြှင့်တင်ပို့နိုင်ရေးအတွက် လည်းကောင်း၊ ဆန်စက်လုပ်ငန်းနှင့် ဆန်ပြည်ပတင်ပို့မှု လုပ်ငန်းများ အဆင်ပြေချောမွေ့စေရေး၊ ဓာတ်မြေဩဇာ၊ သွင်းအားစုများနှင့် စိုက်ပျိုးစရိတ် ချေးငွေများအား တိုးမြှင့် စီစဉ်ပေးနိုင်ရေး၊ ဆန်စပါးများ သယ်ယူပို့ဆောင်ရာတွင် စီးဝင်၊ စီးထွက် မြန်ဆန်မှန်ကန်စွာ ဆောင်ရွက်နိုင်ရေး စသည်တို့ကို ဆွေးနွေးတင်ပြခဲ့ကြောင်း သိရသည်