ငလျင်အလွန်၌တိဘက်ဆည်တမံငါးခု၌ပြဿနာရှိနေ

ပြီးခဲ့သည့် သီတင်းပတ်က နိုင်ငံအနောက်တောင်ပိုင်းဒေသတွင် လှုပ်ခတ်ခဲ့သော ၆ ဒဿမ ၈ ရစ်ခ်တာစကေးအဆင့်ရှိ ငလျင်လှုပ်ပြီးတွင် ရေအားလျှပ်စစ်ဆည်တမံ ၁၄ ခုကို စစ်ဆေးခဲ့ရာတွင် ၅ ခု၌ အက်ကြောင်းထင်မှုများအပါအဝင် အပြစ်အနာအဆာများ တွေ့ရှိခဲ့သည်ဟု အရေးပေါ်ဌာန အရာရှိတစ်ဦးက ကြာသပတေးနေ့တွင် ပြောကြားခဲ့သည်။

အဆိုပါဆည်ငါးခုအနက် သုံးခုကို ပြင်ဆင်ထိန်းသိမ်းမှုများလုပ်ဆောင်ပြီးဖြစ်ကြောင်း တိဘက်ဒေသ အရေးပေါ်စီမံခန့်ခွဲရေးအရာရှိတစ်ဦးက သတင်းစာရှင်းလင်းပွဲတွင် ပြောဆိုခဲ့သည်။

ငလျင်ဗဟိုချက်ဖြစ်ခဲ့သော Tingri စီရင်စုရှိ ရေအားလျှပ်စစ်ဆည်တစ်ခု၏ နံရံများသည် နိမ့်ဆင်းသွားခဲ့သဖြင့် ဆည်အောက်ပိုင်းရှိ ကျေးရွာခြောက်ရွာမှ လူ ၁,၅၀၀ ခန့်ကို အမြင့်ပိုင်းနေရာများသို့ ပြောင်းရွှေ့ပေးခဲ့ရသည်ဟု သူက ပြောဆိုခဲ့သည်။

နောက်ဆည်တစ်ခုတွင်မူ ဆည်ရေစီးထွက်မှုကြောင့် စောင့်ကြည့် စောင့်ကြည့်ရေးကိရိယာများ တပ်ဆင်ထားသည်ဟု ဆိုခဲ့သည်။

လူပေါင်း ၁၂၆ ဦးထက်မနည်း ‌ေ-သဆုံးစေခဲ့ပြီး ရာနှင့်ချီကာ ဒဏ်ရာရရှိခဲ့သည့် ငလျင်သည် ကမ္ဘာ့အစွန်အဖျားအကျဆုံး ငလျင်လှုပ်ရာဒေသများထဲမှ တစ်ခုတွင် တရုတ်နှင့် အိန္ဒိယနိုင်ငံတို့၏ ရေအားလျှပ်ဆည်များကိုတည်ဆောက်ခြင်း၏ အန္တရာယ်ကို သတိပေးလိုက်ခြင်းဖြစ်သည်။

အတိတ်က ငလျင်လှုပ်ခတ်မှုများအတွင်း အထူးသဖြင့် မြေပြိုခြင်းများနှင့် ကျောက်ဆောင်ပြိုကျခြင်းများကြောင့် ဆည်များပျက်စီးခဲ့သည်။ နီပေါနိုင်ငံတွင် ၂၀၁၅ ခုနှစ်က လှုပ်ခတ်ခဲ့သော အားပြင်းငလျင်ကြီးကြောင့် ၎င်း၏ ရေအားလျှပ်စစ်ဆည်များထဲမှ ငါးပုံတစ်ပုံနီးပါးကို တစ်နှစ်ကျော်ကြာ ပိတ်ခဲ့ရသည်။

၂၀၀၈ ခုနှစ်က လှုပ်ခတ်ခဲ့သော စီချွမ်ငလျင်နောက်ပိုင်း တရုတ်နိုင်ငံ၏ ပဉ္စမမြောက် လူအ‌ေ-သအပျောက်အများဆုံးဖြစ်သည့် တိဘက်တွင် ဇန်နဝါရီ ၇ ရက်က လှုပ်ခတ်ခဲ့သော ငလျင်ကြောင့် နေအိမ် ၃,၆၀၀ ကျော် ပျက်စီးခဲ့ကာ၊ ဘာသာရေးအဆောက်အအုံများ ထိခိုက်ခဲ့ပြီး ယခုတိုင် ရစ်ခ်တာစကေး ၅ ဒဿမ ၀ ရှိ နောက်ဆက်တွဲ ငလျင်များ လှုပ်ခတ်နေဆဲဖြစ်သည်။

Ref: သည်စထရိတ်တိုင်းမ်စ်