ဂျေရုဆလင်အထိ တောမီးရောက်လာနိုင်–နေတန်ယာဟု

အရေးပေါ်အခြေအနေကြေညာထားရသော ဂျေရုဆလင်အနီး အလျင်အမြန် ပျံ့နှံ့လေ-ာင်ကျွမ်းနေသော တောမီးသည် မြို့အထိရောက်ရှိလာနိုင်ကြောင်း အစ္စရေးဝန်ကြီးချုပ် နေတန်ယာဟုက ဗုဒ္ဓဟူးနေ့တွင် သတိပေးခဲ့သည်။

ထူထပ်သော မီးခိုးလုံးများသည် ဂျေရုဆလင်အနီး လမ်းများပေါ် ထွက်ပေါ်နေခဲ့ပြီး လူများစွာ ဒဏ်ရာရရှိစေခဲ့သော တောမီးကို ထိန်းချုပ်နိုင်ရန် မီးသတ်သမားများက အသည်းအသန်ကြိုးပမ်းနေသကဲ့သို့ စစ်တပ်ကလည်း တပ်ဖွဲ့ဝင်များကို ဖြန့်ကျက်ကာ တောမီးငြိမ်းသတ်ရာတွင် ကူညီလျက်ရှိသည်။

အရပ်သား ရာပေါင်းများစွာသည် နှစ်များစွာအတွင်း အဆိုးဝါးဆုံးတောမီးဘေးအန္တရာယ်ကို ရင်ဆိုင်နေရသည်ဟု အစ္စရေး၏ Magen David Adom (MDA) ကယ်ဆယ်ရေးအေဂျင်စီက သတင်းထုတ်ပြန်သည်။

ဒဏ်ရာရခဲ့သူ ၂၃ ဦးကို MDA က ကုသပေးခဲ့ပြီး ၎င်းတို့ထဲမှ ၁၃ ဦးကို ဆေးရုံတင်ပေးခဲ့ကြောင်းနှင့် အများစုသည် မီးခိုးငွေ့ရှုရှိုက်မီခြင်းနှင့် မီးလေ-ာင်ဒဏ်ရာများ ရရှိခဲ့ကြခြင်းဟု ဆိုသည်။ တောမီး သတိပေးချက်အဆင့်ကို အမြင့်ဆုံးအဆင့်သို့ သတ်မှတ်ထားကြောင်းလည်း အေဂျင်စီက ပြောကြားခဲ့သည်။

တစ်ချိန်တည်းမှာပင် အနောက်လေများ တို-က်ခို-က်နေမှုကြောင့် တောမီးသည် ဂျေရုဆလင် အစွန်အဖျားနေရာများသို့ အလွယ်တကူရောက်ရှိလာနိုင်သကဲ့သို့ မြို့တွင်းထိပင် ကူးစက်လာနိုင်သည်ဟု နေတန်ယာဟုက သတိပေးခဲ့သည်။

“ကျွန်တော်တို့အနေနဲ့ ရနိုင်သမျှ မီးသတ်ကားအားလုံး စေလွှတ်ရမှာဖြစ်ကာ လက်ရှိမီးတားလိုင်းတွေထက် ပိုကောင်းတဲ့ မီးတားလိုင်းတွေ ဖန်တီးဖို့ လိုပါတယ်၊ လက်ရှိအခြေအနေက ဒေသဆိုင်ရာအတိုင်းအတာမဟုတ်ဘဲ တစ်နိုင်ငံလုံးအရေးပေါ်အခြေအနေ ရောက်နေပါပြီ” ဟု သူက ဗီဒီယိုထုတ်ပြန်ချက်တွင် ပြောကြားခဲ့သည်။

“လက်ရှိ ဦးစားပေးက ဂျေရုဆလင်ကို ကာကွယ်ဖို့ပဲ” ဟုလည်း သူက ဆက်လက်ပြောဆိုခဲ့သည်။

Ref: ဘန်ကောက်ပို့စ်