၂ဝ၁၈ ခုနှစ် အာရှအပြည်ပြည်ဆိုင်ရာ ကလေးများရုပ်ရှင်ပွဲတော်တွင် မြန်မာနိုင်ငံမှသွားရောက်ယှဉ်ပြိုင်နိုင်ရန် အတွက် မြန်မာကိုယ်စားပြု ပြိုင်ပွဲဝင်များကို မြန်မာနိုင်ငံရုပ်ရှင်အစည်းအရုံးက ဇာတ်လမ်းတိုပြိုင်ပွဲများ ကျင်းပပြုလုပ်ပြီး ရွေးချယ်ခဲ့သည်။ ‘မိမိကိုယ်မိမိ တာဝန်ယူမှု၊ တာဝန်ခံမှု’ ခေါင်းစဉ်ဖြင့် ဇာတ်လမ်းတိုပြိုင်ပွဲအတွက် ပေးပို့ယှဉ်ပြိုင် လာသော ဇာတ်လမ်းတို ၁၅ကားကို Group 1 မှ Group 15 အထိသတ်မှတ်ကာ စိစစ်ရေးကော်မတီအဖွဲ့က ရွေးချယ်ခဲ့သည်။
မြန်မာတစ်နိုင်ငံလုံးမှ ပေးပို့ယှဉ်ပြိုင်လာသမျှ မည်သူမည်ဝါ မည်သည့်သင်တန်းကျောင်းဆင်းမှန်း မသိဘဲ မျှမျှတတရွေးချယ်ဆုံးဖြတ်ရန်၊ လူကြီးသူမများ၏ စိတ်ကူးစိတ်သန်းသြဇာလွှမ်းမိုးမှုများ တတ် နိုင်သမျှမပါဝင်စေဘဲ ကလေးစိတ်ကူး ကလေးအတွေးဖြင့် ကလေးဆန်ဆန်တင်ပြထားသော ဇာတ်ကားကို ဦးစားပေးရွေးချယ်ရန် စသည့်စည်းကမ်းသတ်မှတ်ချက်များဖြင့် ဆုံးဖြတ်ခဲ့ရာ ပထမဆုကို ဟိန်းကျော်စိုးမိုး ဦးဆောင်သည့် Group 8 ဇာတ်ကား၊ ဒုတိယဆုကို ယုနန္ဒာအေး ဦးဆောင်သည့် Group 15 ဇာတ်ကား၊ တတိယဆုကို ကောင်းမင်းခန့် ဦးဆောင်သည့် Group 7 ဇာတ်ကားတို့က အသီးသီးရရှိခဲ့ကြသည်။
ဆုရရှိခဲ့သူများသည် ဂျပန်နိုင်ငံတွင် နိုဝင်ဘာလအတွင်း ကျင်းပမည့် ပြိုင်ပွဲသို့သွားရောက် ယှဉ်ပြိုင်ရမည်ဖြစ်ပြီး သရုပ်ဆောင်ပိုင်ဖြိုးသုက ဦးဆောင်ကာ သွားရောက်မည်ဖြစ်ကြောင်းသိရ သည်။
ခိုင်ဝါဝင်း