အကယ်ဒမီ ဓီရာမိုရ်လို့ အနုပညာနယ်ပယ်မှာ နာမည်ကျော်ကြား လူသိထင်ရှားသူဖြစ်သလို အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)ဂီတဌာနမှာ ပါမောက္ခဦးမောင် မောင်ဇော်ထက်အဖြစ် တပည့်တွေရဲ့ ချစ်ခင်မှု၊ လေးစားမှုကို ရရှိထားသူပါ။ တကယ်တော့ ဓီရာမိုရ်ဆိုတဲ့ ဂီတပညာရှင်ဟာ မြန်မာနိုင်ငံမှာဆိုရင်လည်း ကိုယ်တိုင်အနုပညာ ဖန်တီးမှုတွေ ပြုလုပ်ကာ ဂီတနဲ့ပတ်သက်တဲ့ ပညာရပ်တွေကိုလည်း ပြန်လည်သင်ကြားပေးနေသူ၊ နိုင်ငံတ ကာကို ထိုးဖောက်မယ်ဆိုရင်လည်း နိုင်ငံတကာနဲ့ ရင်ပေါင်တန်းလုပ်ကိုင် နိုင်သူဖြစ်ပါတယ်။ သူကပါရမီရှင်ပါ။ ပါရမီရှင်ဆိုတဲ့အပေါ်မှာ ကြိုးစားမှုတွေ ဆင့်ကဲလိုက်တော့ ဓီရာမိုရ်ဆိုပြီးဖြစ် လာရောပေါ့။
”ဂီတဘဝကတော့ ငယ်ငယ်ကတည်းက ဂီတနဲ့ရင်းနှီးနေတယ်။ ၁၂ နှစ်၊ ၁၃ နှစ်မှာ ဂစ်တာအတီးသင်တယ်။ အဲဒါလည်း အစ်ကိုတွေဆီကနေသင်တာပဲ။ သင်ပြီးတော့မှ သိလာ တာက သြော် …ကိုယ်က သူများထက် ပိုမြန်နေပါလားပေါ့။ အဲဒီကနေဆက်ပြီးတော့မှ တက္ကသိုလ်ကို ရောက်လာတော့မှ ပထမတုန်းကတော့ အပျော်တမ်းပေါ့နော်။ နောက်ပိုင်းကျ တော့မှ ပရော်ဖက်ရှင်နယ်လိုမျိုးဖြစ်လာတာပေါ့။ Professional Life ကို သွားမယ်။ ဂီတကို ပဲရွေးချယ်မယ်ဆိုပြီးတော့ ဂီတဘက်ကိုသွားတာ။ ပထမဦးဆုံး အနုပညာတက္ကသိုလ်ဖွင့်တာက ရန်ကုန်၊ ကုက္ကိုင်းမှာ။ ချင်းချောင်းနန်းတော်ကြီးမှာ ဖွင့်တယ်။ ၁၉၉၃ ခုနှစ်မှာတက်တယ်။ ၁၉၉၇ ခုနှစ်မှာ ဘွဲ့ရပြီးဆရာပြန်လုပ်တယ်။ ဆရာပြန်လုပ်ပြီး ဆက်ပြီးပညာကသင်ချင်သေးတယ်။ Professional ဘက်ကို သွားချင်တယ်။ Music တွေကို Creation တအားလုပ်ချင်တယ်။ အဲဒီအတွက် ဂျပန်ပညာတော်သင်စကောလားရှစ်လာတဲ့အခါမှာ ဝင်လျှောက်တယ်။ လျှောက် ခွင့်ရအောင်ကြိုးစားတယ်။ အဲဒီကနေ ဂျပန်ကိုသွားခွင့်ရတယ်။ အဓိကကတော့ Music Composition ပေါ့နော်။ Arrangement တွေ၊ Harmony တွေ၊Counter Point တွေ၊ ဒါမျိုးတွေနားလည်စေချင်လို့သွားတယ်။ ဒါပေမဲ့ တကယ့်တကယ် ဟိုမှာသင်ရတာက အလွန် အဆင့်မြင့်တဲ့ မြူးဇစ်ပညာရပ်တွေကို သင်ရတယ်။ အဲဒီကနေ အတွေ့အကြုံတွေရော၊ ပညာ တွေရော၊ ဗဟုသုတတွေရော အများကြီးရလာခဲ့တယ်။ အဲဒါကတော့ အဓိက အကျိုးကျေးဇူးပါပဲ” လို့ သူ့ရဲ့ဂီတဘဝဖြတ်သန်းမှုကို အကျဉ်းချုပ် ပြောပြပါတယ်။
ရုပ်ရှင်နဲ့ပတ်သက်လို့ နောက်ခံတေးတီးခတ်ပေးတာတွေ၊ တခြားပြင်ပဂီတလှုပ်ရှားမှုတွေကို အချိန်သိပ်မပေးဖြစ်ပေမယ့် အမျိုးသားယဉ်ကျေးမှုနှင့် အနုပညာတက္ကသိုလ်မှာ ပညာရပ်တွေနဲ့ ပတ်သက်ပြီး အချိန်ပြည့်တာဝန်ယူထားသူတစ်ယောက်ဖြစ်ကြောင်းလည်း ဓီရာမိုရ်ကပြော ပြပါတယ်။
”ပထမက ဆရာဖြစ်ချင်တဲ့စိတ်တွေ ဘာတွေသိပ်မရှိဘူး။ နယ်မပြန်ချင်တာတစ်ကြောင်း၊ နောက်ပြီးတော့ ရန်ကုန်မှာနေချင်တာတစ်ကြောင်း။ ဆရာပြန်ခန့်တဲ့အခါမှာ ဆရာဖြစ်ပြီး တော့ နောက်ပိုင်းကျတော့မှ Music Education ဆိုတဲ့ သဘောကို ပိုပြီးတော့ နားလည်လာ တာပေါ့နော်။ ပထမတုန်းကတော့ Artists ပဲ။ အနုပညာရှင်ပဲ ဖြစ်ချင်တာပေါ့နော်။Daily Life ကိုပြောမယ်ဆိုရင် မနက် ၉နာရီကနေ ညနေ ၄နာရီအထိ ဒါကတော့Full Time ပေါ့။ ကျောင်းနဲ့ပတ်သက်တဲ့ဟာတွေ၊ ကျောင်းမှာ လုပ်စရာရှိစရာတွေကိုလုပ်တယ်။ ဘဝတစ်ခုလုံးရဲ့ အရေးကြီးတဲ့လုပ်ငန်းကဏ္ဍကတော့ ကျောင်းမှာမြုပ်နှံထားတယ်ပေါ့နော်။ ကျောင်းကအဓိကပဲ။အပြင်အလုပ်တွေဆိုရင် သိပ်မလုပ်ဖြစ်တော့ဘူး။ ရွေးချယ်ပြီး တော့ပဲ လုပ်ဖြစ်တာပေါ့နော်”လို့ ယဉ်ကျေးမှုနှင့် အနုပညာတက္ကသိုလ်မှာ ဆရာအဖြစ်လုပ်ကိုင်ဖို့ ရွေးချယ်ဖြစ်ခဲ့ပုံအကြောင်း ပြောပြရာမှ သိရ ပါတယ်။ ဓီရာမိုရ်တစ်ယောက် နှစ်ရှည်လများ ဖန်တီးနေတဲ့ ဖန်တီးမှုကြီးတစ်ခုလည်းရှိပါသေးတယ်။ အဲဒါက မြန်မာ့ဂီတနဲ့ပတ်သက်ပြီး သီချင်းအပုဒ်တစ်ထောင်ကို စုစည်းနေခြင်းဖြစ်ပါတယ်။ အဲဒီကိစ္စက မကြာမီအကောင်အထည်ပေါ်လာတော့မှာဖြစ်ကြောင်းလည်းသိရှိရပါ တယ်။
”အဲဒါကတော့ မြန်မာ့ဂီတစတင်ပေါ်ပေါက်ခဲ့တဲ့အချိန်ကနေစပြီး တော့ သက္ကရာဇ် ၂ဝဝဝ ပြည့်နှစ်ဝန်းကျင် ဆရာကြီးစန္ဒရားလှထွဋ်တို့ရဲ့ လက်ရာတွေလောက်ထိပေါ့နော်။ ဂီတရေစီးကြောင်းမှာအထင်ကရဖြစ် တဲ့ သီချင်းမျိုးတွေပေါ့။ အထူးသဖြင့်တော့ မဟာဂီတရယ်၊ ရှေးဟောင်း ဂီတတွေရယ်ပေါ့။ တိမ်မြုပ်ပျောက်ကွယ်ခါနီးဖြစ်နေတဲ့ သမားစဉ်တွေ၊ ဂီတတွေ၊ ဆိုင်းတွေ အဲဒါတွေကို စုစည်းမှတ်တမ်းတင်ထားပြီးတော့ Library လုပ်တာပေါ့ နော်။ သီချင်းအပုဒ်တစ်ထောင်အတွက် ဖိုင်နယ်ဒီဇိုင်း အချောသတ်နေပါပြီ” လို့ ဓီရာမိုရ်က မြန်မာဂီတအနုပညာနဲ့ပတ်သက်ပြီး လှုပ်ရှား မှုအကြောင်း ပြောပြခဲ့ပါတယ်။
မျိုးမောင်