မနောကို စသိတာက လှိုင်ဦးမော်နဲ့အတူ ထွက်ရှိလာတဲ့ “လက်ချောင်းများ” စီးရီးမှာ ဖြစ်ပါတယ်။ နောက်ပိုင်းမှာလည်း သူ့ရဲ့သီချင်းတွေ တော်တော်များများပေါက် သီချင်းတွေဖြစ်ခဲ့တာတွေ့ရပြီး “ချစ်တယ်”၊ “ကြာဖြူ” ၊ “မိချော” ၊ “သနပ်ခါး လေးနဲ့မောင့်ချစ်သူ” စတဲ့ သီချင်းတွေက မြန်မာပြည်အနှံ့ တော်တော်များများမှာ ကြားခဲ့ရကာ အခုနှစ် ကထိန်ရာသီမှာတော့ တေးရေးသဟာအောင်ရေးပြီး မနောဆိုထားတဲ့ “ဗိုလ်အောင်ဒင်”သီချင်းက တစ်နိုင်ငံလုံးရဲ့ကထိန်လော်စပီကာတွေမှာ အပြည့်အဝ နေရာယူသွားပါတော့တယ်။ ဒီ “ဗိုလ်အောင်ဒင်” သီချင်းကို မနောတို့ ဘယ်လိုဖန်တီးဖြစ်ခဲ့ကြသလဲဆိုတာကတော..
” ဒီသီချင်းလေးကတော့ “မိချော” တုန်းကလိုပဲ မိုနိုဟန်လေးပေါ့။ အပျော်လေးပါပဲ။ သဟာအောင်က ရေးထားပြီး အပျော်လေးဆိုကြည့်မလားဆိုပြီး ပြတဲ့အခါ အပျော်ဆိုပေမယ့် တအား ဆိုးဆိုးဝါးဝါးတော့ မဟုတ်ပါဘူး၊ ဆိုကြမယ်ဆိုပြီး ဒါလေးကို အသံသွင်းကြတယ်။ သီချင်းလေးက ပျော်စရာ လေးဆိုတော့ အွန်လိုင်း အရင်တင်ကြမယ်ဆိုပြီး တင်လိုက်တာပါ။ စီးရီးခွေက မထွက်သေးဘူး။ ကျွန်တော်က မြန်မာသံစီးရီးတစ်ခွေလုပ်နေတယ်။ အဲဒါလေးကလည်း ဒီဇင်ဘာလထဲမှာ တော့ ထွက်ဖို့ ရှိပါတယ်။ “ချမ်းမြေ့ပါစေအမေ” လို့ နာမည်ပေးထားပါတယ်” လို့ မနောက မြန်မာသံစီးရီး တစ်ခွေ စီစဉ်နေတဲ့အကြောင်းလည်း ပြောပါတယ်။ မနောက အခုလို ပွဲလမ်းသဘင် ကာလတွေမှာ သူ့သီချင်း လေးတွေနဲ့ ပရိသတ်တွေ ပျော်ကြရွှင် ကြတဲ့အတွက်လည်း ဝမ်းသာပါတယ် လို့ ဆိုပါတယ်။
” အခုလို ကျွန်တော့်သီချင်း လေးတွေနဲ့ ပရိသတ်တွေ ပျော်ကြ ရွှင်ကြတာမြင်တော့ ဝမ်းသာမိပါတယ်။ ကျွန်တော်တို့က ညစ်ညစ်ပတ်ပတ် သီချင်းတွေလည်း မဆိုတတ်ပါ ဘူး။ ဆိုချင်တာက အကျိုးပြုတေးတို့၊ ဓမ္မတေးတို့ ဆိုချင်တာလေ။ အခု ဒီလိုပျော်စရာ သီချင်းလေးနဲ့လည်း ပရိသတ်တွေ အဆင်ပြေကြတယ်ဆို တော့ ဝမ်းသာပါတယ်။ ကျွန်တော်တို့ ရဲ့သီချင်း အနေအထားက တအားကြီးကြီးမားမားကြီးလည်း မဟုတ် တော့ အများကြီးတော့ မမှန်းပါဘူး။ ပျော်ပွဲရွှင်ပွဲလေးတွေမှာ ကျွန်တော့် သီချင်းလေးတွေက အသုံးတည့်တယ် ဆိုတော့ ဝမ်းသာစရာတော့ ကောင်းပါတယ်” လို့ မနောက ပြောပါတယ်။
မနောက စတီရီယိုစီးရီးအနေနဲ့ “အဆင်ပြေတဲ့နေ့” တစ်ကိုယ်တော် စီးရီးလည်း ထွက်ရှိခဲ့ပြီး စတီရီယိုလိုင်းရော၊ မိုနိုလိုင်းရော သီချင်းပုံစံမျိုးစုံနဲ့ အဆိုတော်တစ်ဦး ဖြစ်ပါ တယ်။ နောက်ပိုင်းမှာကော ဘယ်လိုင်းဘက်ကို မနော ဦးတည်သွားမလဲဆိုတော့..
“ကျွန်တော်ကတော့ စတီရီယိုပဲ သွားမှာပါ။ မြန်မာသံစဉ်ကတော့ ဒီတစ်ခွေကို အမှတ်တရအနေနဲ့ လုပ်တဲ့သဘောပါ။ အမြဲတမ်း မြန်မာသံစဉ်တွေပဲ ဆိုမှာမဟုတ်ပါ ဘူး။ အခု “ချမ်းမြေ့ပါစေအမေ” စီးရီးကတော့ အမှတ်တရအနေနဲ့ ထွက်မှာပါ” လို့ မနောက ပြောပါတယ်။ ဒီစီးရီးမှာလည်း တေးရေးက သဟာအောင်ပဲ ဖြစ်တာကြောင့် မနော နဲ့ သဟာအောင်တို့ရဲ့ ဆက်နွှယ်မှုကိုလည်း မနောက..
“ကျွန်တော်တို့ကတော့ သွေးသောက်တွေလိုပါပဲ။ ကျွန်တော်အောင်မြင်ရင်လည်း သူအောင်မြင်တာပဲ။ သူအောင်မြင်ရင်လည်း ကျွန်တော်အောင်မြင်တာပဲ။ တစ်ယောက်အခက်အခဲကို တစ်ယောက်ကူညီရင်း၊ တစ်ယောက် အားနည်းချက်ကို တစ်ယောက်ဖေးမရင်းနဲ့ပဲ ရှေ့ဆက်နေကြတာပါ” လို့ မနောက ပြောပြခဲ့ပါတယ်။
ရဲရဲ ၊ ဓာတ်ပုံ – အိသွဲ့ (တန့်ယန်း)