မြန်မာနိုင်ငံတွင် အသုံးပြုလျက်ရှိသည့် လေယာဉ်ကြီးများဆင်းသက်နိုင်သည်အထိ လေယာဥ်ကွင်းများအား အဆင့်မြှင့်တင်ရေးနှင့်ပတ်သက်၍ နစက ဥက္ကဋ္ဌမှ ရှမ်းပြည်နယ်၊ကျိုင်းတုံမြို့ရှိ ကျိုင်းတုံလေဆိပ်အဆင့်မြှင့်တင်နိုင်မည့်အခြေ အနေများအား မေ ၁၁ ရက်ညနေပိုင်းက ကြည့်ရှုစစ်ဆေးစဥ်ပြောကြားခဲ့ခြင်းဖြစ်သည်။
ကျိုင်းတုံမြို့သည် လမ်းပန်းဆက်သွယ်မှုဝေးကွာသော နေရာတစ်ခုဖြစ်သော်လည်း သာယာလှပသည့် သဘာဝပတ်ဝန်းကျင်ရေမြေတောတောင်ကိုပိုင်ဆိုင်ထားသည်ဟု ဆိုသည်။
“ကျိုင်းတုံမှာ ပန်ကွဲကျေးရွာက ဗုဒ္ဓဥယျာဉ်၊လွယ်မွေအပန်းဖြေတောင်စခန်းမြို့နဲ့တခြားလည်ပတ်နိုင်တဲ့နေရာတွေများစွာရှိပါတယ် အခုဆိုရင် ပြည်တွင်းခရီးစဉ်တွေမှာ ဝေးကွာတဲ့နေရာတွေကို ဂျက် လေယာဉ်တွေသုံးပြီး လည်ပတ်နေကြပါပြီ”ဟု နစက ဥက္ကဋ္ဌကပြောသည်။
ထို့ကြောင့် မြန်မာနိုင်ငံတွင် အသုံးပြုလျက်ရှိသည့် လေယာဉ်ကြီးများဆင်းသက်နိုင်သည်အထိ လေယာဥ်ကွင်းများအား အဆင့်မြှင့်တင်ရမည်ဖြစ်ကာ အိမ်နီးနားချင်းနိုင်ငံများနှင့်ချိတ်ဆက်ဆောင်ရွက်ရမည်ဟု မှာကြားသည်။
“အဲဒီလိုဆောင်ရွက်ရာမှာ ကျိုင်းတုံလေဆိပ်ကို လာအို၊တရုတ်နဲ့ထိုင်းနိုင်ငံတို့ကနေ တိုက်ရိုက် ပျံသန်းဆင်းသက်နိုင်ဖို့ဆောင်ရွက်ရပါမယ် အခုလိုအဆင့်မြှင့်တင်တာဟာ ကျိုင်းတုံမြို့မှာ ခရီးသွားလုပ်ငန်းတွေဖွံ့ဖြိုးတိုးတက်စေဖို့၊ဒေသနဲ့ဒေ သခံတွေရဲ့ လူမှုစီးပွားဘဝဖွံ့ဖြိုးတိုးတက်ရေးကို အထောက်အကူပြုစေဖို့ဖြစ်ပါတယ်”ဟု နစက ဥက္ကဋ္ဌကပြောသည်။
ထို့နောက် နစက ဥက္ကဋ္ဌသည် ကျိုင်းတုံလေယာဉ်ကွင်း၊လေယာဉ်ပြေးလမ်းအဆင့်မြှင့်တင်ရန် လုပ်ငန်းဆောင်ရွက်နေမှုများကို ကြည့်ရှုစစ်ဆေးခဲ့သည်။
လုပ်ငန်းဆောင်ရွက်နေမှုများကို နစက ဥက္ကဋ္ဌအား ဒု-ဝန်ကြီးချုပ်နှင့်ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီးဗိုလ်ချုပ်ကြီး တင်အောင်စန်း၊စစ်ထောက်ချုပ် ဒု-ဗိုလ်ချုပ်ကြီး ကျော်စွာလင်းနှင့်စစ်အင်ဂျင်နီယာညွှန်ကြားရေးမှူးရုံး ညွှန်ကြားရေးမှူး ဗိုလ်မှူးချုပ်ဇော်နိုင်ဦးတို့က ရှင်းလင်းတင်ပြခဲ့ကြသည်။
