ကိုရီးယားသမ္မတနိုင်ငံတွင်ပညာသင်ကြားနေသည့် မြန် မာနိုင်ငံသားများ၏ ပညာရေးနိုင်ငံကူးလက်မှတ်(PE) သက်တမ်းတိုးလျှောက်ထားမှုများကို တည်ဆဲဥပဒေ၊ လုပ်ထုံးလုပ်နည်းများနှင့်အညီ စိစစ်ဆောင်ရွက်ပေးလျက်ရှိကြောင်း ကိုရီးယားနိုင်ငံဆိုင်ရာ မြန်မာသံရုံး ဆိုးလ်မြို့က အသိပေးထုတ်ပြန်လိုက်သည်။
ပညာရေးနိုင်ငံကူးလက်မှတ်(PE)အမျိုးအစားအား အ မှန်တကယ် ပညာသင်ကြားနေသူများကိုထုတ်ပေးနိုင်ရန် လျှောက်ထားသူများအနေဖြင့် ကျောင်းဝင်ခွင့်ပြုသည့်စာ၊ နောက်ဆုံးဖြေဆိုခဲ့သည့် ဘာသာရပ်များအတွက်အမှတ်စာရင်း၊ ကျောင်းလခပေးသွင်းထားသည့် အထောက်အထား၊ ကျောင်းတက်ရောက်နေကြောင်း ထောက်ခံစာတို့ကို မူရင်း၊ မိတ္တူတို့တင်ပြရမည်ဖြစ် သည်။
မြန်မာသံရုံးအနေဖြင့် နိုင်ငံကူးလက်မှတ်သက်တမ်းတိုးခြင်းကို သတ်မှတ်ထားသည့် စည်းမျဉ်းစည်းကမ်းများနှင့်အညီ စနစ်တကျစိစစ်ဆောင်ရွက်ပေးနေပြီး အမှန်တကယ်ပညာသင်ကြားနေသည့် ကျောင်းသားများ၏ အခွင့်အရေးများဆုံးရှုံးမှုမရှိစေရန် အသိပေးခဲ့ခြင်းဖြစ် သည်။
ထို့ကြောင့် ကိုရီးယားနိုင်ငံတွင်ရောက်ရှိနေသည့် မြန်မာကျောင်းသားများအနေဖြင့် သက်တမ်းတိုးရန်ပြင်ဆင်ရာ၌ သံရုံးမှတောင်းဆိုထားသည့် အချက်(၄)ချက်မှာ အမှန်တကယ်ကျောင်းတက်နေကြောင်းသက်သေပြရန် အဓိကကျသော အထောက်အထားများဖြစ်၍ ကျောင်းမှတရားဝင်ထုတ်ပေးထားသည့် စာရွက်စာတမ်းများကို မိတ္တူနှင့်တကွ စနစ်တကျစုဆောင်းထားရန်လိုအပ်သည်။
ထို့ပြင် နိုင်ငံကူးလက်မှတ်သက်တမ်းကုန်ဆုံးရန် အနည်းဆုံး (၆)လခန့်ကြိုတင်၍ သက်တမ်းတိုးခြင်းလုပ် ငန်းစဉ်များကိုစတင်ဆောင်ရွက်ခြင်းဖြင့် ဗီဇာကိစ္စနှင့် အခြားသော အုပ်ချုပ်ရေးဆိုင်ရာအခက်အခဲများကို ရှောင်ရှားနိုင်သည်။
နိုင်ငံကူးလက်မှတ်အမျိုးအစားအလိုက်လိုအပ်ချက်များမှာ အခါအားလျော်စွာပြောင်းလဲနိုင်၍ ဆိုးလ်မြို့ရှိ မြန်မာသံရုံး၏ တရားဝင်ထုတ်ပြန်ချက်များကို အမြဲမပြတ်စောင့်ကြည့်လေ့လာရမည်ဖြစ်သည်။