Covid-19 ကပ်ရောဂါဖြစ်ပွားပြီးနောက် ငါးနှစ်အကြာတွင် Human metapneumovirus (HMPV) ဆိုသည့် ဗိုင်းရပ်စ်အသစ်တစ်မျိုးကို တရုတ်နိုင်ငံ၌ကိုင်တွယ်ဖြေရှင်းနေရကြောင်း သိရသည်။
သတင်းအစီရင်ခံစာများနှင့် ဆိုရှယ်မီဒီယာများတွင် ယင်း ဗိုင်းရပ်စ် လျင်မြန်စွာ ပျံ့နှံ့နေကြောင်း အချို့က ဆိုကာ အတည်မပြုနိုင်သော သတင်းများကလည်း ဆေးရုံများတွင် လူများရှိနေကြကြောင်းဆိုကြသည်။ အွန်လိုင်းတွင် မျှဝေထားသည့် ဗီဒီယိုများတွင် တုပ်ကွေး၊ HMPV၊ Mycoplasma pneumoniae နှင့် Covid-19 အပါအဝင် ဗိုင်းရပ်စ်အများအပြား ပျံ့နှံ့နေကြောင်းနှင့် လူစည်ကားလျှက်ရှိနေသော ဆေးရုံများကို ရိုက်ကူး ပြသထားသည်။
တရုတ်နိုင်ငံကမူ ယင်းဗိုင်းရပ်စ်ပြန့်နှံ့ခြင်းကို အတည်မပြုနိုင်သေးကြောင်း အခိုင်အမာဆိုထားသည်။ HMPV သည် တုပ်ကွေးကဲ့သို့ လက္ခဏာများ ဖြစ်စေကြောင်း သိရပြီး Covid-19 နှင့် ဆင်တူသော လက္ခဏာများကိုလည်း ပြသနိုင်သည်။ ကျန်းမာရေး တာဝန်ရှိသူများကလည်း အခြေအနေကအရပ်ရပ်ကို အနီးကပ် စောင့်ကြည့်နေကြောင်း သိရသည်။
တချိန်တည်းမှာပင် တရုတ်နိုင်ငံ၏ ရောဂါထိန်းချုပ်ရေးဆိုင်ရာ တာဝန်ရှိသူများက ဆောင်းရာသီတွင် အသက်ရှူလမ်းကြောင်းဆိုင်ရာ ရောဂါအချို့ ဖြစ်ပွားမှုနှင့်အတူ ဆောင်းရာသီတွင် အသက်ရှူလမ်းကြောင်းဆိုင်ရာ ရောဂါများ မြင့်တက်လာနိုင်ဖွယ်ရှိသဖြင့် အမျိုးအမည်မသိ အဆုတ်ရောင်ရောဂါ စောင့်ကြည့်ရေးစနစ်တစ်ခုကို စမ်းသပ်လုပ်ဆောင်နေသည်ဟု သောကြာနေ့က ပြောကြားခဲ့ကြောင်းReuters သတင်းဌာန၏ သတင်းတစ်ပုဒ်တွင်ရေးသားဖော်ပြထားသည်။