အမျိုးသားကာကွယ်ရေးနှင့်လုံခြုံရေးကောင်စီအစည်းအဝေး(၁/၂၀၂၃)အား ဇန်နဝါရီ ၃၁ ရက်နံနက်ပိုင်းကနေပြည်တော်၌ကျင်းပစဥ် နစက ဥက္ကဋ္ဌ၊ဗိုလ်ချုပ်မှူးကြီးမင်းအောင်လှိုင်မှပြောကြားခဲ့သည်တို့ကို အတိုချုပ်ကောက်နုတ်ဖော်ပြရသော်….
- မဲမသမာမှုများအား အသစ်ဖွဲ့စည်းခဲ့သည့် UEC မှတာဝန်ရှိသူများက စစ်ဆေးခဲ့ရာ မဲစာရင်းတွင်နိုင်ငံသား၊ဧည့်နိုင်ငံသား၊နိုင်ငံသားပြုခွင့်ရသူလက်မှတ်မရှိဘဲ ပါဝင်နေသူ ၄သန်းကျော်၊နိုင်ငံသားစီစစ်ရေးကတ်တစ်ခုထဲဖြင့် မဲစာရင်းတွင် ၃ ကြိမ်နှင့်အထက်ပါဝင်သူ ၃သိန်းနီးပါး ၊ မဲမသမာမှုဖြစ်ပွားခဲ့သည့် မဲစာရင်းအရေအတွက် ၁၁ ဒသမ ၃ သန်းကျော်အား စီစစ်တွေ့ရှိခဲ့ခြင်း
-၂၀၂၀ ပြည့်နှစ်ရွေးကောက်ပွဲတွင် ဒေါ်အောင်ဆန်းစုကြည်နှင့်သမ္မတဟောင်း ဦးဝင်းမြင့်တို့သည် ယခင် ပြည်ထောင်စုရွေးကောက်ပွဲကော်မရှင်အပေါ် တိုက်ရိုက်(သို့)သွယ်ဝိုက်၍ ဖိအားပေးမှုများရှိခဲ့ခြင်း
-နစက မှနိုင်ငံတော်တာဝန်ထမ်းဆောင်စဥ် ကိုဗစ်(၁၉)ရောဂါတတိယလှိုင်းကာလ၌ ဆေးရုံ/ဆေးခန်းများအပြင် ကုသမှုစင်တာ ၁၆၇၄ ခု ဖွင့်လှစ်ကုသပေးခြင်း၊အစိုးရမှ Oxygen စက်ရုံ ၂၁၆ ရုံ၊ပုဂ္ဂလိက ၂၇၁ ရုံ(စုစုပေါင်း ၄၈၇ ရုံ)တည်ဆောက်ခဲ့ခြင်းဖြင့် ပြည်သူ့ကျန်းမာရေးစောင့်ရှောက်ပေးခဲ့ခြင်း
-နိုင်ငံတွင်းဆေးရုံ ဆေးပေးခန်းစုစုပေါင်း ၁၂,၅၀၄ ခု ရှိပြီး နိုင်ငံရေးအခြေအနေအကြောင်းပြ၍ ကိုဗစ်-၁၉ ရောဂါ ဖြစ်ပွားမှု အမြင့်ဆုံးကာလတွင် ဆေးရုံဆေးပေးခန်း ၆၅ ဒသမ ၅၃ ရာခိုင်နှုန်းသာ လုပ်ငန်းဆောင်ရွက်နိုင်ခဲ့ကြောင်း၊ကျန်းမာရေးဝန်ထမ်း ၁၀၃,၂၁၄ ဦးရှိပြီး CDM ပြုလုပ်ခဲ့သူ ၄၇,၂၅၄ ဦးရှိခဲ့၊လိုအပ်သွားသည့် နေရာများတွင် တပ်မတော်ဆေးတပ်ဖွဲ့ဝင်များက ကုသပေးခြင်းနှင့် တပ်မတော်ဆေးရုံများတွင်ပြည်သူများကို ကုသပေးခဲ့ခြင်း
-ကိုဗစ်-၁၉ ရောဂါကာကွယ်ဆေးအား အသက် ၁၈ နှစ်နှင့်အထက် ရည်မှန်းလူဦးရေ၏ ၉၈ ရာခိုင်နှုန်းထိုးနှံပြီး၊အသက် ၅ နှစ်မှ ၁၈ နှစ်အတွင်းရှိ ရည်မှန်းလူဦးရေ၏ ကာကွယ်ဆေးပထမအကြိမ်ထိုးနှံပြီးသူ ၇၃ ရာခိုင် နှုန်းရှိခြင်း
- GDP တိုးတက်မှုသည် အနုတ် ၅ ဒသမ ၉ ရာခိုင်နှုန်းမှ ၂၀၂၂- ၂၀၂၃ ဘဏ္ဍာရေးနှစ် နှစ်ကုန်ခန့်မှန်းခြေ (ဧပြီလမှမတ်လအထိ) ၃ ဒသမ ၂ ရာခိုင်နှုန်းအထိတိုးလာခဲ့ခြင်း
-ဒီမိုကရေစီအစိုးရများ၏ GDP များနှိုင်းယှဥ်ခြင်း၊ ကုန်သွယ်မူလိုငွေများ၊အဂတိမှုများကြောင့်ဆုံးရှုံးနစ်နာခဲ့မှုများ၊နစကအစိုးရအား နိုင်ငံတကာ ပိတ်ဆို့မူကြောင့် စီးပွားတိုးတက်သင့်သလောက်မတိုးခဲ့ခြင်း
-ပြည်တွင်းစီးပွားရေးမြှင့်တင်ရာတွင် အသေးစား၊အငယ်စားနှင့်အလတ်စား(MSME) လုပ်ငန်းများကိုအားပေးဆောင်ရွက်ခဲ့ခြင်း
-တစ်နိုင်ငံလုံးထာဝရငြိမ်းချမ်းရေးအတွက် တပ်မတော်အနေဖြင့် ၂၀၁၈ ခုနှစ်၊ဒီဇင်ဘာ ၂၁ ရက်တွင်ပစ်ခတ်တိုက်ခိုက်မှုရပ်စဲရေးနှင့်ထာဝရ ငြိမ်းချမ်းရေးကို စတင်ထုတ်ပြန်ခဲ့ပြီး ၂၀၂၂ ခုနှစ်တစ်နှစ်တာကာလသာမက ၂၀၂၃ ခုနှစ် တစ်နှစ်တာကာလလုံး ပစ်ခတ်တိုက်ခိုက်မှုရပ်စဲရေးကို သက်တမ်းတိုးမြှင့်ထားပြီးတိုင်းရင်းသားလက်နက်ကိုင် ၁၀ ဖွဲ့ဖြင့် တတိယအကြိမ်အထိဆွေးနွေးထားခြင်း
-အရေးပေါ်ကာလဆိုင်ရာ ပြဋ္ဌာန်းချက်များနှင့်အညီဆောင်ရွက်ပြီးပါက ပါတီစုံဒီမိုကရေစီအထွေထွေရွေးကောက်ပွဲအား PR စနစ်ဖြင့်ကျင်းပ၍ အနိုင်ရသည့်ပါတီအားနိုင်ငံတော်တာဝန်လွှဲအပ်ခြင်း
–အကြမ်းဖက်မှုများကြောင့် တစ်နိုင်ငံလုံး ပစ္စည်းပျက်စီးမှု ၄,၉၁၇ ခု၊ စုစုပေါင်းအကြမ်းဖက်မှု ၁၉,၄၄၄ ကြိမ် ဖြစ်ပွားခဲ့၊ လက်နက်ခဲယမ်းမျိုးစုံ ၁,၃၈၂,၆၆၇ သိမ်းဆည်းရမိခဲ့၊ ဝန်ထမ်းနှင့်အရပ်သား စုစုပေါင်း သေဆုံး ၅,၄၄၃ ဦးနှင့် ဒဏ်ရာရ ၄,၅၇၇ ဦးရှိခဲ့ခြင်း
- အကြမ်းဖက်မှုဖြစ်စဥ်လျော့လာသော်လည်းသေဆုံး၊ဒဏ်ရာရများလာခြင်း၊ပြည်နယ်နှင့်တိုင်းအစိုးရအဖွဲ့များ၏ တင်ပြချက်များအရ ရာခိုင်နှုန်းပြည့်တည်ငြိမ်သည့် မြို့နယ် ၁၉၈ မြို့နယ်၊လုံခြုံရေးအလေးထားဆောင်ရွက်ရမည့် မြို့နယ် ၆၇ မြို့နယ်၊ လုံခြုံရေးထိထိရောက်ရောက်ဆောင်ရွက်ပေးရန်လိုအပ်သည့် မြို့နယ် ၆၅ မြို့နယ်ရှိသေးခြင်း
-အင်္ဂလိပ်အစိုးရခေတ်မှစ၍ သန်းခေါင်စာရင်းကောက်ယူခဲ့မှုရာဇဝင်၊ မဲစာရင်းမှန်ကန်ရန် သန်းခေါင်စာရင်းမှန်ကန်ဖို့လိုအပ်၍ သန်းခေါင်စာရင်းကောက်ယူမှုသည် မဖြစ်မနေဆောင်ရွက်ရမည့် လုပ်ငန်းစဉ်တစ်ရပ်ဖြစ်ခြင်း
-၂၀၂၀ တွင် ၈၈ပါတီပြိုင်ခဲ့ပြီး ၁၉ ပါတီသာ လွှတ်တော်ကိုယ်စားလှယ်အရွေးခံရခြင်း၊တသီးပုဂ္ဂလ ၂ဦးသာ အရွေးခံရခြင်း တို့ကြောင့် နိုင်ငံရေးပါတီမှတ်ပုံတင်ခြင်းဥပဒေ ပြင်ဆင်ပြဌာန်းခဲ့ခြင်း
-တပ်မတော်အနေဖြင့် မည်သည့်ခေတ်၊မည်သည့်အစိုးရပင်ဖြစ်စေ ပြည်သူသာအမိ၊ပြည်သူသာအဖဟုခံယူပြီး နိုင်ငံတော်နှင့်တိုင်းရင်းသားပြည်သူလူထု အကျိုးအတွက် ကာကွယ်စောင့်ရှောက်သူ Guardian အနေဖြင့် အစဉ်အမြဲဆက်လက်တည်ရှိနေမည်
စသည်တို့ပါဝင်သော တင်ပြချက်များအား ပြောကြားဆွေးနွေးခဲ့သည်။
