ကမ္ဘာ့နိုင်ငံအားလုံး၏ လူ့အခွင့်အရေးအခြေအနေကို ပုံမှန်သုံးသပ်သည့် လုပ်ငန်းစဉ် (Universal Periodic Review) တွင် မြန်မာနိုင်ငံမှ အစီရင်ခံစာ တင်သွင်းခြင်း တတိယအကျော့ဆိုင်ရာ ကိစ္စရပ်များနှင့် ပတ်သက်ပြီး ပြည်ထောင်စုရှေ့နေချုပ်နှင့် မြန်မာနိုင်ငံ အမျိုးလူအခွင့်ရေးကော်မရှင်တို့ နေပြည်တော်တွင် တွေ့ဆုံဆွေးနွေးခဲ့ကြောင်း သိရသည်။
မြန်မာနိုင်ငံ၏ UPR တတိယအကျော့ အစီရင်ခံစာကို ရေးသားပြုစုပြီး UPR လုပ်ငန်းအဖွဲ့ကို တင်သွင်းခဲ့ပြီးဖြစ်သည်။
ကမ္ဘာ့နိုင်ငံအားလုံး၏ လူ့အခွင့်အရေးအခြေအနေကို ပုံမှန်သုံးသပ်သည့် လုပ်ငန်းစဉ် (Universal Periodic Review – UPR) လုပ်ငန်း အဖွဲ့၏ (၃၇) ကြိမ်မြောက် အစည်းအဝေးကာလအတွင်း မြန်မာနိုင်ငံ၏ လူ့အခွင့်အရေးအခြေအနေနှင့်စပ်လျဉ်း၍ တတိယအကျော့သုံးသပ်မှုကို ၂၀၂၁ ခုနှစ် ဇန်နဝါရီ (၂၅) ရက်တွင် သုံးသပ်မှုခံယူခဲ့ခြင်းဖြစ်သည်။
သုံးသပ်မှုခံယူသည့်နေ့တွင် ကုလသမဂ္ဂအဖွဲဝင်နိုင်ငံ (၁၀၆) နိုင်ငံမှ မြန်မာနိုင်ငံအပေါ် လူ့အခွင့်အရေးအခြေအနေနှင့်စပ်လျဉ်း၍ အကြံပြုချက် (၃၅၄)ချက်ကို အကြံပြုခဲ့ခြင်းဖြစ်ပြီး မြန်မာနိုင်ငံ၏ ရပ်တည်ချက်နှင့် ပတ်သက်ပြီး အကြံပြုချက်(၁၁၉)ချက်ကို လက်ခံခဲ့ကာ၊ မှတ်သားထားသည့် အကြံပြုချက်(၄၆)ချက် နှင့် အကြံပြုချက်(၁၈၉)ချက်ကို လေ့လာပြီးပြန်ကြားခဲ့ကြောင်း သိရသည်။
မြန်မာနိုင်ငံ၏ UPR အစီရင်ခံစာသုံးသပ်မှုနှင့် စပ်လျဉ်းသည့် UPR လုပ်ငန်းအဖွဲ့၏ ကနဦး အစီရင်ခံစာကို ဇန်နဝါရီ (၂၉) ရက်တွင် အတည်ပြုခဲ့ပြီး UPR website တွင် upload လုပ်ထားကြောင်း သိရသည်။