ဆိုးလ်တွင် နိုင်ငံရေးအကျပ်အတည်းကြုံနေရချိန်၌ အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်သည် ဇန်နဝါရီလ ၄ ရက် နေ့မှ ၉ ရက် နေ့ အထိ တောင်ကိုရီးယား၊ ဂျပန်နှင့် ပြင်သစ်နိုင်ငံများသို့ သွားရောက်မည်ဖြစ်ကြောင်း နိုင်ငံခြားရေးဝန်ကြီးဌာနက သောကြာနေ့တွင် ပြောကြားလိုက်သည်။
ဒီဇင်ဘာလ ၃ ရက်နေ့က စစ်အုပ်ချုပ်ရေးကြေညာမှုနှင့်ပတ်သက်၍ နိုင်ငံတော်ပုန်ကန်မှုဆိုင်ရာ ရာဇဝတ်မှုဖြင့် စုံစမ်းစစ်ဆေးခံနေရသော စွပ်စွဲပြစ်တင်ခံ သမ္မတ ယွန်းဆွတ်ယိုးလ်ကို အာဏာပိုင်များက သောကြာနေ့တွင် လာရောက်ဖမ်းဆီးခဲ့သော်လည်း တောင်ကိုရီးယားသမ္မတအစောင့်များနှင့် စစ်သားများက တားမြစ်ခဲ့ကြသည်။
ဘလင်ကန်သည် တောင်ကိုရီးယားအစိုးရ အကြီးတန်းအရာရှိများနှင့် တွေ့ဆုံမည်ဖြစ်ကာ လွတ်လပ်ပွင့်လင်း၍ သာယာဝပြောသော အင်ဒို-ပစိဖိတ်ဒေသအပြင် ဂျပန်နိုင်ငံနှင့် သုံးနိုင်ငံပူးပေါင်းဆောင်ရွက်မှုများကို မြင့်တင်ရေးဆိုင်ရာ အရေးပါသည့် အစီအမံများ ခိုင်မာအားကောင်းစေရေးကိုဆွေးနွေးသွားမည်ဖြစ်သည်ဟု နိုင်ငံခြားရေးဝန်ကြီးဌာနက ပြောကြားခဲ့သည်။
တဖန် ပြင်သစ်နိုင်ငံခရီးစဉ်တွင် အရှေ့အလယ်ပိုင်းနှင့် ဥရောပဆိုင်ရာ အခက်အခဲများနှင့် ဂါဇာအပစ်အခတ်ရပ်စဲမှုရရှိရေး ကြိုးပမ်းနေမှုများနှင့်ပတ်သက်၍ ဆွေးနွေးသွားမည်ဟု သတင်းထုတ်ပြန်ချက်တွင် ဖေါ်ပြထားသည်။
Ref: ရိုက်တာ