မြောက်ကိုရီးယားခေါင်းဆောင် ကင်မ်ဂျုံအန်သည် ရုရှားနှင့် အပြန်အလှန်ကာကွယ်ရေးစာချုပ်ချုပ်ဆိုရန် ၎င်းနိုင်ငံ၏ ကတိကဝတ်ကို စနေနေ့တွင် ထပ်လောင်းအတည်ပြုခဲ့ကြောင်း ရိုက်တာသတင်းဌာနက ဖော်ပြခဲ့သည်။
ဒုတိယကမ္ဘာစစ်တွင် နာဇီဂျာမနီတို့အပေါ် အောင်နိုင်ခဲ့မှု နှစ်ပတ်လည်နေ့အဖြစ် သမ္မတ ဗလာဒီမာပူတင်ထံ ကင်မ် က တရားဝင်သဝဏ်လွှာပို့ခဲ့ရာတွင် မော်စကိုနှင့် မိတ်ဖက်ဆက်ဆံရေးကို ထိပ်တန်းဦးစားပေးရန် မြောက်ကိုရီးယား၏ မဟာဗျူဟာရပ်တည်ချက်ကို ထပ်လောင်းပြောကြားခဲ့သည်။
၂၀၂၄ ခုနှစ်တွင် နှစ်နိုင်ငံလက်မှတ်ရေးထိုးခဲ့သော ဘက်စုံ မဟာဗျူဟာမြောက် မိတ်ဖက်ဆက်ဆံရေးစာချုပ်ကို ရည်ညွှန်း၍ နိုင်ငံအချင်းချင်းစာချုပ်၏ တာဝန်ဝတ္တရားများကို အကောင်အထည်ဖော်ရန် မြောက်ကိုရီးယား၏ ကတိကဝတ်ကို သဝဏ်လွှာတွင် အလေးပေးဖော်ပြထားသည်။
ပူတင်၏ ပြုံယမ်း ခရီးစဉ်အတွင်း အပြီးသတ် ချုပ်ဆိုခဲ့သော စာချုပ်တွင် ယူရေးရှား (ဥရောပအာရှ) တစ်လွှား ပထဝီနိုင်ငံရေးအခင်းအကျင်းကို အခြေခံအားဖြင့် ပြောင်းလဲစေသည့် အပြန်အလှန်ကာကွယ်ရေးပြဌာန်းချက်တစ်ခု ပါဝင်ခဲ့သည်။
ယူကရိန်းတွင် ဆက်လက်ဖြစ်ပွားနေသော ပဋိပက္ခတွင် ရုရှားစစ်ဆင်ရေးများကို မြောက်ကိုရီးယားက တိုက်ရိုက်ထောက်ပံ့နေချိန်တွင် ယခုအတည်ပြုချက် ထွက်လာခြင်းဖြစ်သည်။
Ref: ယဟျူးနူးစ်
