သရုပ်ဆောင် ဘေဘီမောင်မှာ ချစ်သူရှိနေပြီး ချစ်သူသက်တမ်းကလည်း ၂ နှစ်လောက်ရှိနေပြီလို့သိ ရပါတယ်။ သူ့ရဲ့ချစ်သူက ရိုးသားကြိုးစားတဲ့ ယောက်ျားတစ်ယောက်ဖြစ်ကြောင်းကို ဘေဘီမောင်က အခုလိုပြောပြလာပါတယ်။
“သူကရိုးသားတယ်။ ကြိုးစားတယ်။ အရည်အချင်းရှိတဲ့ ယောက်ျားတစ်ယောက်ပေါ့နော်။ ညီမအတွက်က ငွေကြေး တအားချမ်းသာပြီး ပြီးပြည့်စုံစရာမလိုပါဘူး။ တော်တယ်။ အရည်အချင်းရှိတယ်။ အလုပ်ကို ကြိုးစားချင်စိတ် ရှိတယ်။ အလုပ်ကို လုပ်ချင်စိတ်ရှိတဲ့ ယောကျာ်းတစ်ယောက်ဆိုရင် ညီမဘဝအတွက် တအားကို အဆင်ပြေနေပါပြီ။ ရုပ်ချော စရာလည်း မလိုဘူး။ ချမ်းသာစရာလည်း မလိုဘူး။ အလုပ်အကိုင်လေးနဲ့ အရည်အချင်းရှိတဲ့ ယောက်ျားဆိုရင် ညီမ က ချစ်ပါတယ်။ သူကလည်း အဲဒီလိုမျိုးဖြစ်တဲ့အတွက်ကြောင့် သူ့ကိုတအား ချစ်ပါတယ်။ ယုံလည်းယုံချင်တယ် ။ အားလည်း အားကိုးပါတယ်”လို့ ဘေဘီမောင်က ပြောပါတယ်။
သူ့ရဲ့ချစ်သူက သူ့ကို တအားချစ်ပေမယ့်လည်း ချစ်သူကို တအား ချစ်ပြတတ်တဲ့သူမျိုးထဲမှာ မပါတော့ သူ့ကို မချစ်ဘူးလားလို့တောင် စိတ်မှာ ထင်မိကြောင်းကို ဘေဘီမောင်က
“သူကသိပ်ချစ်ပြတတ်တဲ့ အထဲမှာမပါဘူး။ ရိုးပဲရိုးလို့လား မသိဘူး။ သူ့ ပုံစံက တစ်ခါတလေကျ ကိုယ့်ကို မချစ်ဘူးလားလို့တောင် ထင်မိတယ်။ ဒါပေမဲ့ သူကချစ်ပါတယ်။ မချစ်ဘဲနဲ့တော့ သူကိုယ့်အနားမှာ မနေဘူးလေ။ တစ်ခါတလေကျရင်တော့ သဝန်တိုတယ်။ တစ်ခါတလေကျရင်တော့ နား လည်းပေးပါတယ်။ အမြဲတမ်းကြီး သဝန်တိုနေတာမျိုးတော့ မရှိပါဘူး။ သဝန်တိုနေလို့ ရှိရင်လည်း ညီမနဲ့လုံးဝ အဆင်ပြေမှာ မဟုတ်ဘူးလေ။ အခုဆိုလည်း ၂နှစ် လောက်ရှိနေပြီ။ ဒီလိုမျိုးပဲ ပတ်သက်ခဲ့ကြတာ ညီမ ရိုက်ကူးခဲ့တဲ့ ဇာတ်ကားတွေလည်း အများကြီးပဲ။ မင်းသား ပေါင်းစုံနဲ့လည်း အလုပ်လုပ်ခဲ့တာတွေရှိတယ်လေ။ အဲဒါနဲ့ ပတ်သက် ပြီးတော့ မပြောဘူး။ ဒါပေမဲ့ တစ်ခါတလေကျရင် မော်ဒယ် ဓာတ်ပုံရိုက်တဲ့အခါကျရင် သူမကြိုက်ဖူးဆိုတာ သိလို့ ကိုယ် လည်း မရိုက်ပါဘူး။ ကိုယ့်သူငယ်ချင်း ကောင်လေးတွေ တွေ့ရင်တောင် ဓာတ်ပုံမရိုက်ရဲဘူး။ အဲဒါ သူ့ကိုချစ်လို့ပါ” လို့ ချစ်သူရဲ့ သဝန်တိုတတ်တဲ့ အကြောင်းလေးတွေ ကိုပါ ဖြည့်စွက်ကာ ပြောပြပါတယ်။ ဒီချစ်သူကို ဘဝ လက်တွဲဖော်အဖြစ် ရည်မှန်းထားသလိုနှစ်ယောက် တစ်ဘဝ ထူထောင်ကြတဲ့အခါမှာ ပြည့်စုံမှုရှိဖို့ အတွက်ကိုလည်းအလုပ်တွေကြိုးစား လုပ်ကိုင်နေ ကြောင်းကို ဘေဘီမောင်က….
“ငယ်လည်း ငယ်ပါသေးတယ်။နောက် ပြီးတော့ ကိုယ့်ဘဝက မပြည့်စုံသေးဘူးလေ။ မပြည့်စုံသေးဘဲ သွားထူထောင်လိုက်တဲ့အခါ ကျရင် ဘယ်လောက်ပဲချစ်ချစ် ငွေကြေးမပြည့် စုံတဲ့ အခါကျရင် တစ်ယောက်နဲ့ တစ်ယောက်က အဆင်ပြေကြမှာ မဟုတ်ဘူး။အဲဒါကြောင့် အသက် အရွယ်အရ လည်းကောင်း၊ နောက်ပြီးတော့ ငွေရေး ကြေးရေး အခြေအနေအရ လည်းကောင်း၊ နောက်ပြီး တော့ မိဘကိုလည်း အလုပ်အကျွေးပြုစုချင်သေးတာ လည်းပါတယ်။ ဒါပေမဲ့လည်း အလုပ်တွေ ကြိုးစားနေကြ ပါတယ်” လို့ ပြောပြခဲ့ပါတယ်။
ဇင်မာနွယ်
ဓာတ်ပုံ-မင်းမင်းထွန်း