လူသားအချင်းချင်း မေတ္တာ၊ ကရုဏာ၊ မုဒိတာ အပြည့်ရှိတဲ့စိတ်ထားကြလျှင် တစ်ဦးချင်းမှ တစ်ဦးအစုအဖွဲ့၊ မိတ်ဆွေတစ်စု၊ မိသားစုတစ်စု ၎င်းမှ ရပ်ကွက်၊ မြို့၊ ရွာ၊ တိုင်း၊ ပြည်အားလုံးချစ်စရာ ကောင်းသော ငြိမ်းချမ်းခြင်းကိုရရှိ ကြမည်ဖြစ်သည်။ တစ်ဦးနှင့်တစ်ဦး မေတ္တာစိတ်၊ ကရုဏာစိတ်၊ စေတနာကောင်း၊ သည်းခံစိတ်၊ ခွင့်လွှတ်ခြင်း၊ သန့်ရှင်း သော စိတ်ရှိကြလျှင် ငြိမ်းချမ်းခြင်း ဆိုသော တရားကို အပြည့်အဝ ရရှိ အေးချမ်းပျော်ရွှင်စရာကောင်းသော မိသားစု၊ နိုင်ငံဖြစ်လာမည်မှာ မလွဲ။ ဒေါသ၊ မောဟ၊ မာနတွေကို ခဝါချ ဖြေလျှော့လိုက်လျှင်လည်း ငြိမ်းချမ်းခြင်းတရားတွေ ရရှိမည်မှာ မလွဲဖြစ်သည်။
တစ်ချိန် သိကြားမင်းက မြတ်စွာဘုရားရှင်အား အောက်ပါမေးခွန်းကို မေးမြန်းခဲ့ဖူး၏။ အရှင်ဘုရား ရန်ငြိုးကင်းကုန်လျက်လက်နက်နှင့် စီးပွားရေးဖြင့် ခြိမ်းခြောက်ခံရမှုဒဏ် ကင်းကုန် လျက်၊ ရန်သူကင်းကုန်လျက်၊ စိတ် ဆင်းရဲခြင်းကင်းကုန်လျက်၊ အမျက်ထွက်ခြင်းကင်းကုန်လျက် ငါတို့နေကြရပါစေဟု နတ်၊ လူ၊ အသူရာ၊ နဂါး၊ ဂန္ဓဗ္ဗ တို့နှင့် အခြားများစွာသော ထိုသတ္တဝါတို့အား တောင့်တခြင်းသည် ဖြစ်၏။ ယင်းသို့ တောင့်တခြင်းဖြစ်သော်လည်း ထိုသတ္တဝါတို့သည် ရန်ငြိုးရှိကုန်လျက်၊ လက်နက်နှင့် စီးပွားရေးဖြင့် ခြိမ်းခြောက်ခံရမှု၊ ဒဏ်ရှိကုန်လျက်၊ ရန်သူရှိကုန်လျက်၊ စိတ်ဆင်းရဲခြင်းရှိကုန်လျက်၊ အမျက် ထွက်ခြင်းရှိကုန်လျက် နေကြရပါ ကုန်၏။ (ဤသို့နေရခြင်းသည်) အဘယ်အနှောင်အဖွဲ့ကြောင့်ပါ နည်းဟု နတ်တို့အရှင်သိကြားမင်းက မေးမြန်းလျှောက်ထားခဲ့၏။
နတ်တို့အရှင် သိကြားမင်း- နတ်၊ လူ၊ အသူရာ၊ နဂါး၊ ဂန္ဓဗ္ဗတို့နှင့် အခြား များစွာသော ထိုသတ္တဝါတို့ သည် ရန်ငြိုးရှိကုန်လျက် လက်နက် နှင့် စီးပွားရေးဖြင့် ခြိမ်းခြောက်ခံရမှု ဒဏ်ရှိကုန်လျက်၊ ရန်သူရှိကုန်လျက်၊ စိတ်ဆင်းရဲခြင်းရှိကုန်လျက်၊ အမျက်ထွက်ခြင်း ရှိကုန်လျက်နေကြရခြင်းမှာ..
“ဣသာမစ္ဆရိယ သံယောဇဉ် ကြောင့်ဖြစ်၏။ မြတ်စွာဘုရားက သိကြားမင်းအား ဖြေကြားတော်မူ၏”
“ဣသာ” သည်ကား
(၁) ပုဂ္ဂိုလ်တစ်ဦးက အခြား ပုဂ္ဂိုလ်တစ်ဦးထက် စည်းစိမ်ဥစ္စာ၊ ရာထူးဂုဏ်သိမ် စသည်ဖြင့် အဘက် ဘက်မှ သာလွန်နေလျှင်၊
(၂) မိသားစုတစ်စုက အခြား မိသားစုတစ်စုထက် အဘက်ဘက်မှ သာလွန်နေလျှင်
(၃) ကုမ္ပဏီတစ်ခုက အခြား ကုမ္ပဏီတစ်ခုထက် အဘက်ဘက်မှ သာလွန်နေလျှင်
(၄) လူမျိုးတစ်မျိုးက အခြား လူမျိုးတစ်မျိုးထက် အဘက်ဘက်မှ သာလွန်နေလျှင်
(၅) တိုင်းပြည်တစ်ပြည်က အခြားတိုင်းပြည်တစ်ပြည်ထက် အဘက်ဘက်မှ သာလွန်နေလျှင်
(၆) ကမ္ဘာ့အုပ်စုကြီးတစ်ခုက အခြား ကမ္ဘာ့အုပ်စုကြီးတစ်ခုထက်အဘက်ဘက်မှ သာလွန်နေလျှင်မကြည့်လို၊ မရှုလို၊ မမြင်လိုသော စိတ်ထားက “ဣသာ” တရားဆိုး
တည်း
“မစ္ဆရိယ” သည်ကား..
(၁) မိမိစည်းစိမ်ဂုဏ်သိမ်ပညာ အာဝါသနှင့် ဆွေမျိုးတို့ကို သူ တစ်ပါးတုိ့နှင့် မမျှဝေပေးနိုင်သော သဘောထားသည်လည်းကောင်း၊
(၂) မိမိနည်းတူ တစ်ပါးသူတို့က စည်းစိမ်ဂုဏ်သိမ် ပညာ စသည်တို့ ရရှိလာခြင်းကို မမြင်လို၊ မရှုဆိတ်သော သဘောထားသည်လည်းကောင်း၊
(၃) မိမိ၊ မိမိ၏မိသားစု၊ မိမိ၏ ကုမ္ပဏီ၊ မိမိ၏လူမျိုး၊ မိမိတိုင်းပြည်၊ မိမိပါဝင်သော ကမ္ဘာ့အုပ်စုကြီးတစ်ခု၏ စည်းစိမ်ဂုဏ်သိမ်ပညာစသည်ကို အခြားတိုင်းပြည်တို့က အခြား ကမ္ဘာ့အုပ်စုကြီးတို့က ထိပါးစော်ကားလာခြင်းကို မမြင်လို၊ မရှုလိုသောသဘောထားသည်လည်းကောင်း မစ္ဆရိယတရားဆိုး ဖြစ်၏။
ယင်းတရားဆိုးတို့၏ ဖြစ်ပေါ်လာရာ အခြေခံအကြောင်းရင်းမှာ ချစ်ခြင်း၊ မုန်းခြင်းတရားပင် ဖြစ်၏။ ထိုမုန်းတီးတတ်သော စိတ်ထားကား ဣသာမစ္ဆရိယ ဖြစ်ပေါ်ရန် အခြေခံအကြောင်းရင်းဖြစ်၏။ ယင်းအကြောင်းတရားများကို ဗုဒ္ဓ၏သီလကျင့်စဉ်ဟု ဆိုအပ်သော သိက္ခာသုံးရပ်အကျင့်မြတ်တို့က အမြစ်ပြတ်အောင် ချေဖျက်နိုင်သော စွမ်းအားရှိ၏။ သီလဖြူစင်မှုကို အခြေခံလျက် မေတ္တာ၊ ကရုဏာ၊ မုဒိတာ၊ ဥပေက္ခာ ဟူသော ဗြဟ္မစိုရ်တရားလေးပါး၊ ကသိုဏ်းဆယ်ပါး၊ သမာပတ်ရှစ်ပါး တို့ကို တကယ်စစ်မှန်သော ဈာန်သို့ ဆိုက်သည့်တိုင်အောင် အောင်မြင်စွာ လက်တွေ့ပွားများ အားထုတ်နိုင် ပါက သတ္တဝါအားလုံးတို့၏ အပေါ်၌ ညီမျှသော မေတ္တာတရား၊ ကရုဏာ တရား၊ မုဒိတာတရား၊ ဥပေက္ခာတရားတို့ကို အောင်အောင်မြင်မြင် ရရှိနိုင်မည်ဖြစ်သည်။
ထိုဗြဟ္မစိုရ်တရားတို့၏ စွမ်း အားကြောင့် ချစ်ခြင်း၊ မုန်းခြင်းတရား များသည် ဝေးကွာသွားမည်ဖြစ်သည်။ စစ်မှန်သော ငြိမ်းချမ်းရေးကို အောင် အောင်မြင်မြင် ပွားများအားထုတ်သူ တိုင်း ရရှိခံစားရမည်ဖြစ်သည်။ သို့သော် ထိုငြိမ်းချမ်းရေးကား ဈာန် သမာဓိအရှိန်အားကောင်းခိုက် ရရှိ နိုင်သော ယာယီငြိမ်းချမ်းရေးမျှသာ ဖြစ်သည်။ ထိုယာယီငြိမ်းချမ်းရေးမှ ထာဝရငြိမ်းချမ်းရေးသို့ တစ်ဆင့် တက်လှမ်းရမည်ဖြစ်သည်။ ထာဝရ ငြိမ်းချမ်းရေးရရှိရန်အတွက် မြတ်ဗုဒ္ဓ ၏ တစ်ခုတည်းသော ဝိပဿနာ ကျင့်စဉ်ကို ကျင့်ကြံပွားများ အား ထုတ်ကြလျှင် ထာဝရငြိမ်းချမ်းရေး သည် မြန်မာမှ ကမ္ဘာသို့တိုင် ပျံ့နှံ့ နိုင်မည်မှာ မလွဲမသွေဖြစ်သည်။
ဘာသာတိုင်း၏ အတွင်းအနှစ် သာရမှာကား အတူတူပင်။ အကျင့် သီလကောင်းရမည်၊ အစိုးရသည့် စိတ် ဖြစ်ရမည်၊ မေတ္တာစိတ်၊ ကရုဏာစိတ်၊ စေတနာကောင်း၊ သည်းခံစိတ်၊ သန့်ရှင်းသည့်စိတ် အပြည့်ရှိရမည်၊ အတွင်းအဇ္ဈတ္တ အနှစ်သာရများကို စောင့်ထိန်းကြ ရမည်။ ဝိပဿနာက အနှစ်သာရကို အလေးပေးသည်။ ဘာသာအသီးသီး က လက်ခံနိုင်သည့်အတိုင်း သီလနှင့် အညီ နေထိုင်ရန်၊ စိတ်ကိုနိုင်အောင် ထိန်းရန်၊ မေတ္တာ၊ ကရုဏာ၊ မုဒိတာအပြည့်ရှိသည့် သန့်စင်သောစိတ်ကို ထားရန်သာဖြစ်သည်။ ဘာသာတိုင်း ၏ အတွင်းအနှစ်သာရမှာ အမြဲ စည်းလုံးသည်၊ အဇ္ဈတ္တအနှစ်သာရကို အလေးထားလျှင် လူသားအားလုံး သဘောထားညီညွတ်နေမည်။ ထို့ ကြောင့် ယနေ့ပြဿနာများကို ဝိပဿနာတရားက ဖြေရှင်းပေးနိုင် သည်။
အခက်အခဲများမှာ ဘာသာ ရေးကဏ္ဍတွင်သာမဟုတ်။ စီးပွား ရေးလောကတွင်လည်း ရှိနေသည်။ လူများသည် လောဘကြီးသည်။ လောဘကြောင့် သူတစ်ပါးနစ်နာ အောင် လုပ်လာကြသည်။ ငွေရဖို့ သာ ကြည့်သည်။ ဝိပဿနာနည်းနှင့် စိတ်သန့်စင်မှုရလာသည့်အခါ လောဘ၊ ဒေါသများငြိမ်းလာရာမှ
ငြိမ်းချမ်းမှုရရှိလာကြသည်။ သူ တစ်ပါး ထိခိုက်အောင်မလုပ်တော့ဘဲ ရိုးရိုးသားသား ငွေရှာလာကြသည်။ ရိုးရိုးသားသားရှာလို့ရသည့်ငွေကို
အများအကျိုးအတွက်သုံးပါ။ လူ့ အဖွဲ့အစည်းမှရလာသည်များကိုမူ တချို့တဝက်ကို လူများအတွက် ကရုဏာအပြည့်၊ မေတ္တာအပြည့်နှင့် ပြန်သုံးသွားသင့်ပါသည်။ပိုက်ဆံချမ်းသာ၍အလှူပေး သည်။ လှူသည့်အလှူတွင်လည်း အတ္တကြီးထွားလိုအောင် မလှူရပါ။ အများအတွက် ကရုဏာနှင့်လှူရ မည်။ လူအများအကျိုးရှိရန်၊ သာသနာအကျိုးရှိရန် အသုံးပြုမည် ဆိုသည့် ဦးတည်ချက်နှင့်လှူရမည်။ ငွေရှာခြင်းသည် ငါတစ်ယောက် တည်းသုံးရန်မဟုတ်၊ အခြားသူများ အတွက်လည်းပါသည် ဟု တွေးထား လျှင် လူနေမှုစနစ်တစ်ခုလုံး သန့်စင် လာမည်။ ယင်းမှာ အတ္တဟိတ၊ ပရဟိတပင်ဖြစ်ပါသည်။
လူတိုင်းအတွက် အကျိုးရှိစေ မည့် အကျင့်သီလ၊ စာရိတ္တကောင်းရန် စောင့်ထိန်းခြင်း၊ မြတ်စွာဘုရား ဟောကြားတော်မူသော ဣသာ၊ မစ္ဆရိယ တရားများ မထားခြင်း၊ ဗြဟ္မစိုရ်တရားထားခြင်း၊ လောဘ၊ ဒေါသ၊ မောဟ၊ မာနပယ်လိုက်လျှင် လူသားအားလုံး ပျော်ရွှင်ပေါ့ပါးစွာ နေထိုင်နိုင်ကြမည်ဖြစ်သည်။ရန်ဖြစ်မနေကြပါနှင့်၊ သူတို့ ဘာသာသူတို့ ပျော်နေကြပါစေ။ အနှစ်သာရတည်းဟူသော မေတ္တာ တရားဖြင့် လူသားတိုင်း၊ မိသားစု တိုင်း၊ ကိုယ့်အိမ်ကိုယ့်ယာ၊ ကိုယ့် မိသားစု၊ ကိုယ့်တိုင်းပြည်တွင် ရန်ဖြစ် မနေကြဘဲ ခန္တီပါရမီ၊ မေတ္တာပါရမီ၊ ဥပေက္ခာပါရမီတရား ပွားများကာ ပျော်ရွှင်ငြိမ်းချမ်းစွာ နေထိုင်နိုင်ကြ ပါစေ။တရားနှင့်အညီ နေကြည့်ပါ။ တကယ်ငြိမ်းချမ်းပါလိမ့်မည်။ ပျော်ရွှင်ငြိမ်းချမ်းကြပါစေ။ သတ္တဝါအားလုံးတို့ ထာဝရ ငြိမ်းချမ်းရေးကို ရရှိကြပါစေ။
ဝေဒစန္ဒီ
စာကိုး-
(၁) ဖားအောက်တောရ ဆရာတော်၏ “ထာဝရငြိမ်းချမ်းရေးသို့”
(၂) ဆရာကြီး ဦးဂိုအင်ကာ၏ “အဇ္ဈတ္တ ငြိမ်းချမ်းမှုမှသည် ပိုမိုကောင်းမွန်သော ကမ္ဘာတစ်ခုဆီသို့”