၂၀၂၇ ခုနှစ်တွင် မလေးရှားနိုင်ငံ၌ ကျင်းပမည့် (၃၄)ကြိမ်မြောက် အရှေ့တောင်အာရှအားကစားပြိုင်ပွဲ (SEA Games) တွင် မြန်မာနိုင်ငံကိုယ်စားပြုဝင်ရောက်ယှဉ်ပြိုင်နိုင်ရေးအတွက် FEI 1 Endu rance Qualification 40km ခရီးရှည်မြင်းစီးအားကစား အရည်အချင်းစစ်ပြိုင်ပွဲကို စက်တင်ဘာ ၆ ရက်တွင် နေပြည် တော်၌ ကျင်းပသွားမည်ဖြစ်ကြောင်း သိရသည်။
အဆိုပါ အရည်အချင်းစစ်ပြိုင်ပွဲကျင်းပမည့် အခြေအနေများနှင့် မြန်မာနိုင်ငံမြင်း စီးအားကစားအဖွဲ့ချုပ်၏ လှုပ်ရှားဆောင်ရွက်မှုများကို မြန်မာနိုင်ငံမြင်းစီးအားကစားအဖွဲ့ချုပ် အလုပ်အမှုဆောင်များက စက်တင်ဘာ ၄ ရက်တွင် ဒဂုံမြို့သစ် (မြောက်ပိုင်း)မြို့နယ်ရှိ မြင်းစီးအားကစားကွင်း၌ မြန်မာနိုင်ငံအိုလံပစ်ကော်မတီဥက္ကဋ္ဌ၊ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်းနှင့် တွေ့ဆုံစဉ် ရှင်းလင်းတင်ပြခဲ့ကြကြောင်း သိရသည်။
တွေ့ဆုံပွဲအတွင်း အဖွဲ့ချုပ်ဥက္ကဋ္ဌ ဦးပြုံးမောင်မောင်က ခရီးရှည်မြင်းစီးအားကစား ဖွံ့ဖြိုးတိုးတက်ရေးအတွက် ဆောင်ရွက်နေသည့် လုပ်ငန်းစဉ်များနှင့် ရှေ့ဆက်ဆောင်ရွက်မည့် အစီအစဉ်များကို တင်ပြခဲ့ရာ ပြည်ထောင်စုဝန်ကြီးက လိုအပ်သည်များကို လမ်းညွှန်မှာကြားခဲ့သည်။
မြန်မာမြင်းစီးအားကစားအဖွဲ့အနေဖြင့် အဆိုပါ အရည်အချင်းစစ်ပြိုင်ပွဲမှတဆင့် ၂၀၂၇ ခုနှစ် မလေးရှားဆီးဂိမ်းပြိုင်ပွဲတွင် ခရီးရှည်မြင်းစီးအားကစားနည်းဖြင့် ဝင်ရောက်ယှဉ်ပြိုင်နိုင်ရေးအတွက် ပြင်ဆင်ဆောင်ရွက်လျက်ရှိကြောင်း သိရသည်။