City FM ကပေးတဲ့ ရောင်းအားအကောင်းဆုံး မြန်မာသံစဉ်အဆိုတော်ဆုနဲ့ ထုတ်လုပ်သူဆုကိုပါ နှစ်ခုစလုံးရရှိပိုင်ဆိုင်သွားတဲ့ အဆိုတော်ကတော့ ဖိုးသောကြာပါ။ ဆုရရှိသွားတဲ့အတွက် ရင်တွင်းခံစားချက်တွေကိုလည်း ဖိုးသောကြာက အခုလိုပြောပြခဲ့ပါတယ် . . .
”ဆုရတဲ့အတွက် ဝမ်းသာတယ်။ နောက်ထပ် ထုတ်လုပ်သူဆုပါ ထပ်ရတဲ့အတွက် ပိုပြီးဝမ်းသာတယ်။ အခွေ တစ်ခွေထွက်ဖို့က သိန်းရာကျော်ကုန်တာ။ ပွင့်ပွင့်လင်းလင်းပြောရရင် ပိုက်ဆံမရှိဘူး။ ပိုက်ဆံကို ခြစ်ခြုတ်စုပြီးတော့ အခွေတစ်ခွေထုတ်ရတာ။ အခွေတစ်ခွေထွက်ဖို့ ပွဲတွေမှာ သီချင်းဆိုလိုက်၊ အခွေလေးလုပ်လိုက်နဲ့ ပိုက်ဆံတွေစုစုပြီးတော့ အခွေတစ်ခွေထုတ်ရတာ။ အခွေတစ်ခွေထွက်ရင် ပိုက်ဆံက အများကြီးရှုံး တာ။ ရှုံးလို့ အခွေမလုပ်ဘူးဆိုပြီး နေလို့လည်း မရဘူး။ ခေတ်က Digital ခေတ်ကို ပြောင်းလာတာဖြစ်တဲ့အတွက်အခွေနဲ့ သီချင်းနားထောင်တယ်ဆိုတာ အင်မတန်ရှားတယ်။ ဖုန်းထဲကနေပဲ အလွယ်ဖွင့်ပြီးတော့ Youtube က နေကြည့်ကြတယ်။ အခုလိုမျိုး အခွေတွေနဲ့ သီချင်းတွေကိုသိပ်နားမထောင်ကြပေမယ့်လည်း ဆုရရှိသွား တဲ့အတွက် အတိုင်းမသိ ပျော်ရွှင်မိပါတယ်’’လို့ ပြောပြခဲ့ပါတယ်။
အခွေတစ်ခွေထွက်တယ်ဆိုတာ အနုပညာ မှတ်တိုင်အနေနဲ့ လုပ်ကြတယ်ဆိုတာကိုလည်း ဖိုးသောကြာက . . .
”အခွေတစ်ခွေက ကိုယ်တိုင်ထုတ် လေ ပိုက်ဆံကုန်လေပဲ။ ပြန်ရဖို့ဆိုတာမရှိဘူး။ အနုပညာမှတ်တိုင်အရ လုပ်ကြတာပဲရှိတော့တယ်။ အခုနောက်ပိုင်းမှာ မြန်မာသံက ထုတ်လုပ်မှုလည်း နည်းလာတယိ။ စီးပွားရေးအရ ရှုံးတဲ့အတွက် မထုတ်လုပ်နိုင်တော့ဘူး။ မြတ်ရင်တော့ လူတိုင်းထုတ်မှာပဲ။ အနုပညာရှင်တိုင်းက သူတို့အနုပညာ ခရီးလမ်းရဲ့ မှတ်တိုင်တစ်ခု၊ မှတ် ကျောက်တစ်ခုအနေနဲ့အခွေထွက်ကြတာပဲရှိတယ်”လို့ ပြောပြခဲ့ပါတယ်။ မြန်မာသံနဲ့ ဆုရတဲ့အတွက် အားဖြစ်တဲ့ လူငယ်တွေ အများကြီး တွေ့ရတယ်။ ကိုကြီးဝမ်းသာတယ်။ ကျွန်တော်တို့လည်း အခွေလုပ်မယ်ဆိုပြီး ပြောလာ တဲ့ လူငယ်တွေအများကြီးတွေ့တယ်။ ဒီဆုရတဲ့အတွက် သူ တို့တွေအားတွေ အများကြီး ရလာတာကို တွေ့ရတယ်” လို့လည်း ပြောပြခဲ့ပါသေးတယ်။
ခိုင်ဝါဝင်း ၊
ဓာတ်ပုံ-ဇော်ဝင်းအောင်