အဆိုတော် ရွှေထူးလို့ဆိုရင် နယ်ရော၊ မြို့ပါ ပရိသတ်ကြိုက်နှစ်သက်အားပေးကြပြီး ဒီဘက်ခေတ် ဂီတလောကမှာ အောင်မြင်တဲ့အဆိုတော်တစ်ယောက် လို့ဆိုရမှာပါ။ သူဟာ လက်ရှိမှာတော့ စိတ်ကူးယဉ် စာအုပ်တစ်ကိုယ်တော်စီးရီးခွေထွက် ရှိထားပြီး နေတိုး၊ မိုးစက်ဝိုင်တို့နဲ့အတူ ရုပ်ရှင်ဇာတ်ကားကြီးရိုက်ကူးဖို့ အတွက်လည်း ပြင်ဆင်နေသူပါ။ ဒါအပြင် သူက Ve Ve အချိုရည်နဲ့ OPPO Smart Phone တို့ရဲ့ Brand Ambassador တစ်ယောက်လည်းဖြစ်ပါတယ်။ ရွှေထူး အခုလိုမအောင်မြင်ခင် သူဘယ်လို ကြိုးစားခဲ့ရလဲဆိုတဲ့ သူ့ရဲ့ ဂီတဘဝ အစကိုပြန်လည် မေးမြန်းဖြစ်တဲ့အခါ……..
” ဆယ်တန်းကာလမှာတော့ မိသားစုစီးပွားရေးကျတယ်ပေါ့နော်။ ကျောင်းတက်လို့ မုန့်စားကျောင်း ဆင်းရင်တောင်မှ ကျွန်တော် ထမင်းချိုင့်မထည့်နိုင်ဘူး။ ကျွန်တော်ဆယ်တန်းတစ်နှစ်ကျသွားတယ်။ ကျွန်တော် နောက်တစ်နှစ်ကြိုးစားပြီး ပြန်ဖြေတယ်။ ဒါပေမဲ့ ကျွန်တော်ကောင်းကောင်း မလုပ်နိုင်ခဲ့ဘူး။ အဲဒီအတွက် ဆယ်တန်းထပ်ကျတယ်။ အဲဒီအချိန်မှာ ငါတစ်ခုခုကို လုပ်မှရတော့မယ်ဆိုတဲ့ဆုံးဖြတ်ချက်ဝင်လာတယ်။ အဲဒီဆုံးဖြတ်ချက်က သီချင်းဆိုတဲ့အလုပ်ဖြစ်နေတယ်။ သူများ တွေ ကိုယ့်သီချင်းကိုနားထောင်ဖို့ဆိုတာ လွယ်တော့ မလွယ်ဘူး။ အမေကတော့ ကျွန်တော့်ကို ပညာတတ် ပဲဖြစ်စေချင်တယ်။ အဲဒီအချိန် မှာ ကျွန်တော်က သီချင်းဘက်ကို ရောက်သွားတဲ့အတွက် စာမလုပ်ချင် တော့ဘူး။ မိသားစု စီးပွားရေးအရ ကျွန်တော်အလိုက် သိပေးရ တာတွေ အများကြီးရှိပါတယ်။ ကျွန်တော် အိမ်က ထွက် သွားခဲ့တယ်။ သူငယ်ချင်းတွေအိမ်နေလိုက်၊ ကျွန်တော့် အဒေါ်အိမ်နေလိုက်၊ ကျွန်တော့် ဦးလေးဆီက မုန့်ဖိုး တောင်းလိုက်နဲ့ ကျွန်တော်သီချင်းလေးတွေစလုပ်တယ်။ အဲဒီသီချင်းတစ်ပုဒ်က ဂိမ်းဆိုင်ကနေ ပြန့်ရင်း၊ ပြန့်ရင်းနဲ့ ကျွန်တော့် ဂိမ်းဆော့တဲ့နာမည်က ရွှေထူးဆိုတော့ အခုချိန်ထိ ရွှေထူးဆိုပြီး ဖြစ်လာတာပါ” လို့သူက ပြောပါတယ်။
တချို့ဆို ကိုယ့်အားနည်းချက်ကို ထုတ်ဖော်ပြော ပြလေ့မရှိတတ်ဘူးလို့ဆိုတဲ့အခါ ” ဒါကလိမ်ထားပြီးတော့လည်း ကျွန်တော့်အတွက်ဘာ အကျိုးအမြတ်မှ မရှိတာ။ ဒါတွေကဖြစ်ခဲ့ပြီးသွားပြီပဲလေ။ ကျွန်တော့် ကိုချစ်တဲ့ပရိသတ် ကျွန်တော့်အကြောင်းကို အကုန်သိရ မယ်ဆိုတဲ့ပုံစံမျိုးနဲ့ ကျွန်တော်ချပြတယ်။ ကျွန်တော့်ပရိ သတ်တော်တော်များများလည်း ကျွန်တော့် စိတ်ဓာတ် ကိုသိကြသလို ကျွန်တော့်ဘဝအကြောင်းကိုလည်းသိ တယ်။ ဆယ်တန်းမအောင်တာ ရှက်စရာတော့ မဟုတ်ပါဘူး။ ဒါပေမဲ့ ဆယ်တန်းအောင်ဖို့လိုအပ်တယ်။ ကျွန်တော့် ဒီအင်တာဗျူးကို ဖတ်နေကြတဲ့ ညီငယ်၊ ညီမငယ်တွေကို ပြောချင်တာက ဆယ်တန်းအောင်အောင်ဖြေကြပါ။ ကိုယ့်ဘာသာကိုယ် အဆိုတော်ကြီးပဲဖြစ်ဖြစ်၊ ဘာကြီးပဲ ဖြစ်ဖြစ်ဆယ်တန်းမအောင်လို့ရှိရင် ပွဲလမ်းသဘင်သွား တဲ့အခါ မျက်နှာငယ်ရတတ်ပါတယ်။ ကျွန်တော်လည်း ဆယ်တန်းမအောင်ပေမယ့် ပျက်စီးနေတဲ့ သူတစ်ယောက် မဟုတ်ဘူး။ ကျွန်တော့်မိဘကို ကျွန်တော် ရှာကျွေးနိုင် တယ်။ ကျွန်တော့်ညီတွေ၊ ညီမတွေကို ကျောင်းထားပေး နိုင်တယ်။ ပြီးတော့ ကျွန်တော့် သူငယ်ချင်းတွေကို စိတ် ချမ်းသာအောင်ထားပေးနိုင်တယ်။ ကျွန်တော်ဟာ တအားအသုံးဝင်တဲ့ သူမဟုတ်ပေမယ့် တတ်နိုင်တဲ့ အသက်အရွယ်မှာတတ် နိုင်သလောက် အသုံးဝင်နေပါပြီ” လို့ ရွှေထူးက ပြောပြခဲ့ပါတယ်။
မျိုးမောင်