ပရီးမီးယားလိဂ် ကလပ်အသင်းတစ်သင်းဖြစ်သည့် ဝက်စ်ဟမ်းယူနိုက်တက်နှင့် မိတ်ဖက်ဆောင်ရွက်နေသည့် ပါတနာကုမ္ပဏီသည် ဧရာဝတီအက်ဖ်စီ အမျိုးသမီးအသင်း၏ Sport Science Partner အဖြစ် ပံ့ပိုးကူညီပေးသွားမည်ဖြစ်သည်။
BTL Medical Myanmar သည် BTL Industries Ltd (UK) မှ ထုတ်လုပ်သည့် နည်းပညာမြင့် ခေတ်မီ စက်ကိရိယာများကို တရားဝင်တင်သွင်းဖြန့်ချိလျက်ရှိသည့် ကုမ္ပဏီတစ်ခုဖြစ်ပြီး ကစားသမားများ၏ စွမ်းဆောင်ရည် ပိုမိုကောင်းမွန်လာစေရန် ရည်ရွယ်၍ ဧရာဝတီအက်ဖ်စီ၏ Sport Science Partner အဖြစ် လက်တွဲလိုက်ခြင်း ဖြစ်သည်။
ထိုသို့ လက်တွဲခြင်းသည် မြန်မာ့ဘောလုံးသမိုင်း၌ ပထမဆုံးအဖြစ် အမျိုးသမီးကလပ်အသင်းတစ်သင်းနှင့် Sport Science Partner လက်တွဲခြင်း ဖြစ်သည်။
မိတ်ဖက်ဆောင်ရွက်မှုတွင် BTL Medical Myanmar သည် ဧရာဝတီအမျိုးသမီးအသင်း ကစားသမားများအတွက် လို အပ်သည့် နှလုံး၊ အဆုတ်၊ ကြွက်သား၊ လုပ်ဆောင်မှုများကို နောက်ဆုံးပေါ်နည်းပညာမြင့်စက်ဖြစ်သည့် BTL CPET: The Game Changer (CardioPulmonary Exercise Test (CPET) System) နှင့် စမ်းသပ်စစ်ဆေးမှုများ ပုံမှန်ပြုလုပ်ပေးသွားမည် ဖြစ်သည်။
ယင်းအတူ ကစားသမားများ ဒ-ဏ်ရာရခဲ့ပါကလည်း ပြန်လည်ကုသမှုတချို့ကို စမ်းသပ်လုပ်ဆောင်ပေးသွားမည်လည်း ဖြစ်သည်။