ဧရာဝတီတိုင်းဒေသကြီးအတွင်း ၂၀၂၆-၂၀၂၇ ခုနှစ်၊ ငါးလုပ်ငန်းရာသီအတွက် လေလံရောင်းချမည့် ဂရန်အင်း၊တင်ဒါချက်များအား ခရိုင်ရုံးစိုက်ရာ မြို့များတွင် သက်မှတ်ရက်များအလိုက် မေလအတွင်း အပြီးရောင်းချသွားမည်ဖြစ်ကြောင်းသိရသည်။
လက်ရှိအချိန်တွင် ဂရန်အင်း/တင်ဒါချက်များနှင့် ပတ်သက်၍ ယခင်ဒုတိယလွှတ်တော်သက်တမ်းတွင် ပြဋ္ဌာန်းအတည်ပြုထားသည့် ရေချိုငါးလုပ်ငန်း ဥပဒေ၊ နည်းဥပဒေပါအတိုင်းလုပ်ဆောင်သွားမည်ဖြစ်ကြောင်း သိရသည်။
ခရိုင်ရုံးစိုက်ရာမြို့များဖြစ်သည့် ပုသိမ်မြို့တွင် မေလ ၁၈ ရက် (တနင်္လာနေ့) တွင် လေလံစတင်ရောင်းချမည်ဖြစ်ပြီး၊ ကျုံပျော်မြို့တွင် မေလ ရက်နေ့၊ ဟင်္သာတမြို့တွင် မေ ၂၀ ရက်၊ မြန်အောင်မြို့တွင် မေ ၁၉ ရက်၊ မြောင်းမြမြို့တွင် မေ ၂၁ ရက်၊ မအူပင်မြို့တွင် မေ ၂၅ မှ ၂၆ ရက်အထိ၂ရက်ရောင်းချပေးမှာဖြစ်ပြီး လပွတ္တာမြို့တွင် မေ ၁၈ ရက်နှင့် ၂၅ ရက် တို့တွင် ၂ ရက်ရောင်းချပေးသွားမှာဖြစ်ကြောင်း သိရသည်။
အင်းလုပ်ငန်းများသည် ဧရာဝတီတိုင်းဒေသကြီးအတွက် ဘဏ္ဍာငွေများစွာ ရရှိသည့်လုပ်ငန်းဖြစ်ပြီး အင်းလေလံပွဲများ ဆောင်ရွက်ရာတွင်လည်း ပွင့်လင်းမြင်သာမှုရှိပြီး စနစ်တကျဆောင်ရွက်သွားမည်ဖြစ်ကြောင်း သိရသည်။