ယနေ့ နှစ်ဆန်းတစ်ရက်တွင်ပြန်လွတ်မြောက်လာသည့် သမ္မတဟောင်း ဦးဝင်းမြင့်နှင့်တွေ့ခွင့်ရခဲ့ပြီး ကျန်းမာရေးကောင်းတဲ့အတွက် ဝမ်းသာရကြောင်း ၄င်းကဆိုသည်။ဒေါက်တာမျိုးညွန့်အား ပေါ်ပြူလာနယူးစ်ကမေးမြန်းထားသည်များကိုဖော်ပြအပ်ပါသည်။
မေး ။ ။ ဒေါ်အောင်ဆန်းစုကြည်ကို နေအိမ်အကျယ်ချုပ်လွှတ်ပေးမယ်လို့ ကြားရပါတယ်။ ခြံအမှတ် (၅၄) ကိုလည်း ရွှေ့ပြောင်းမယ်လို့လည်း ကြားရပါတယ်။
ဖြေ။ ။ ခြံထဲမှာရှိတဲ့သူတွေကတော့ သူတို့ကို ဘာမှအကြောင်းကြားထားတာမရှိသေးဘူးလို့ ပြောပါတယ်။ ကောလဟာလကတော့ ထွက်တာပေါ့။
မေး။ ။ ဆရာတို့အနေနဲ့ နေပြည်တော်ရောက်နေတယ်လို့ သိရပါတယ်။
ဖြေ ။ ။ဟုတ်ကဲဲ့
မေး။ ။နေပြည်တော်ရောက်နေတဲ့အချိန်မှာ ဘာတွေဆက်လက်ဆောင်ရွက်သွားဖို့ရှိပါသလဲ။
ဖြေ။ ။ကျွန်တော်တို့ကတော့ တွေ့ဆုံခွင့်ရခဲ့ပါတယ်။ သူ့ရဲ့ ကျန်းမာရေးကလည်း ကျန်းမာတဲ့အတွက် ဝမ်းသာရပါတယ်။ ဒေါ်အောင်ဆန်းစုကြည်နဲ့ပတ်သက်ပြီးတော့လည်း သတင်းတွေကအမျိုးမျိုးဖြစ်နေတယ်။ တစ်ခုမှလည်းအတည်ပြုနိုင်ခြင်းမရှိသေးတဲ့အတွက် ရန်ကုန်မှာပဲအခြေအနေကိုပြန်စောင့်ကြည့်ဖို့အတွက် ရန်ကုန်ကိုပြန်လာနေပါပြီ။
မေး ။ ။ ကြားထားတဲ့သတင်းတွေအရ နေပြည်တော်က နှင်းဆီခြံလိုလို ရန်ကုန်က ခြံအမှတ် (၅၄) လိုလို ဖြစ်နေတော့ နေပြည်တော်ရောက်တဲ့အချိန်မှာရော ဘာကြားမိပါသေးလဲ။
ဖြေ။ ။နေပြည်တော်က နှင်းဆီခြံက လူနေလို့မရအောင် ဖြစ်နေပြီ။ လူကိုယ်တိုင်သွားကြည့်ပြီးပါပြီ။နောက်တခြားနေနိုင်တဲ့နေရာတွေကိုလည်း လိုက်ကြည့်ပါတယ်။ နေပြည်တော်မှာတော့ ကျွန်တော်တို့မတွေ့ပါဘူး။ ရန်ကုန်မှာထားမယ်ဆိုရင်လည်း ခြံထဲကလူတွေကို ဘာမှအကြောင်းကြားတာမရှိသေးဘူး။ အဲဒါကြောင့် ရန်ကုန်ကိုပြန်ပြီး အခြေအနေစောင့်ကြည့်ဖို့ ဆုံးဖြတ်လိုက်ပါပြီ။
မေး။ ။ လွတ်မြောက်လာတဲ့အထဲမှာ ဦးဝင်းမြင့်အပါအဝင် ဘယ်သူတွေလွတ်မြောက်လာပါသေးလဲ။
ဖြေ။ ။တခြားလူတွေကျတော့ ဝန်ကြီးချုပ် ဦးအောင်မိုးညိုကျတော့ နှစ်လေးနှစ်လောက် လျော့သွားတာလောက်ပဲရှိပါတယ်။တခြားထူးထူးခြားခြားတော့မရှိပါဘူး။
မေး။ ။ ဦးဝင်းမြင့်က ဘယ်မှာ အခြေချဖြစ်ပါမလဲ။
ဖြေ။ ။နိုင်ငံရေးအရဘာဆက်လုပ်မလဲဆိုတာကို ကျန်းမာရေးအခြေအနေအားလုံးစစ်ဆေးပြီးမှ တိုင်ပင်ဆွေးနွေးပြီး ဆက်လုပ်သွားမှာ ဖြစ်ပါတယ်။
ပုံ- ယနေ့ နေ့လည်ကတွေ့မြင်ရသော တက္ကသိုလ်ရိပ်သာ လမ်းရှိ ခြံအမှတ် ၅၄