အီတလီတွင် ပြင်းအား ၄ ဒဿမ ၇ ရှိ ငလျင်လှုပ် ၊ထိခိုက်ပျ-က်စီးမှုများဖြစ်

သောကြာနေ့က အီတလီနိုင်ငံ နာပိုလီ (နေပယ်)မြို့အနီးရှိ ကမ်ပီဖလက်ရိုင်းဒေသတွင် သောကြာနေ့က ပြင်းအား ၄ ဒဿမ ၇ ပမာဏရှိ ငလျင်လှုပ်ခတ်ခဲ့မှုကြောင့် လျှပ်စစ်ဓာတ်အားပြ-တ်တေ-ာက်မှုများဖြစ်ခဲ့ကာ ရထားနှင့် မြေအောက်ရထားပြေးဆွဲမှုများ အနှောက်အယှက်ကြုံခဲ့ပြီး အဆောက်အအုံအချို့ ပျ-က်စီးခဲ့ကြောင်း အာဏာပိုင်များက ပြောကြားခဲ့သည်။

ငလျင်သည် ည ရး၄၆ နာရီတွင် နာပိုလီ မြို့ အနောက်ဘက် ကမ်ပီဖလက်ရိုင်းဧရိယာကို ဗဟိုပြု၍ အနက် ၂ မိုင်ခန့်မှ လှုပ်ခတ်ခဲ့ခြင်းဖြစ်ကြောင်း အီတလီ၏ နိုင်ငံတော်ဘူမိရူပဗေဒနှင့် မီးတောင်ဗေဒဌာနက ပြောကြားခဲ့သည်။

နာပိုလီနှင့် အနီးတစ်ဝိုက်ရှိ အဆောက်အအုံများတွင် ပျ-က်စီးမှုအနည်းငယ်ဖြစ်ပေါ်ခဲ့သည့် သတင်းများရရှိကြောင်း အီတလီမီးသတ်ဌာနက ပြောကြားခဲ့သည်။ သို့ရာတွင် လတ်တလောတွင် မီးသတ် တပ်ဖွဲ့ ဝင်များအနေဖြင့် ဒေသခံများထံမှ အကူအညီတောင်းမှု သို့မဟုတ် ကယ်ဆယ်ရေးအတွက် တောင်းဆိုမှုများ မရသေးကြောင်း ဆိုခဲ့သည်။

ကြိုတင်ကာကွယ်သည့်အနေဖြင့် ဒေသတွင်း ရထားနှင့် မြေအောက်ရထား ပြေးဆွဲမှုများကို ရပ်ဆိုင်းထားကြောင်း ဒေသခံအရာရှိများက ပြော ကြားခဲ့သည်။

အဆိုပါငလျင်သည် ထိုဒေသတွင် လှုပ်ခတ်ဖူးသမျှ၌ အပြင်းထန်ဆုံးထဲမှ တစ်ခုဖြစ်ပြီး ငလျင်လှုပ်ချိန်တွင် ရပ်ကွက်အချို့ရှိ လူများ လမ်းပေါ်ထွက်ပြေးခဲ့ကြကြောင်း အီတလီမီဒီယာများက ဖော်ပြခဲ့သည်။

နာပိုလီ အနောက်ပိုင်း၏ ဒေသအများစု ပါဝင်သော လူဦးရေထူထပ်သည့် မီးတောင်ချောက်ကြီးတစ်ခုဖြစ်သော ကမ်ပီဖလက်ရိုင်းသည် မကြာသေးမီနှစ်များအတွင် ငလျင်လှုပ်ရှားမှုများ ပိုမိုများပြားလာခဲ့သောကြောင့် အစိုးရအနေဖြင့် ဂရုတစိုက် စောင့်ကြည့်ခဲ့ရသည်။

ထိုဒေသတွင် ငလျင်ငယ်များ မကြာခဏလှုပ်ခတ်လေ့ရှိသော်လည်း အင်အားပြင်းထန်သော ငလျင်များရှိလာသောကြောင့် ၁၉၈၀ ပြည့်လွန် အစောပိုင်းနှစ်များက ကမ်ပီဖလက်ရိုင်းတွင် ကြုံတွေ့ခဲ့သော ငလျင်ဘေးမျိုး ထပ်ဖြစ်လာမည်ကို စိုးရိမ်မှုများ မြင့်တက်နေခဲ့သည်။

Ref: ရို-က်တာ