အန္တာတိကတိုက်နှင့်အတူ အိုက်စလန်ကျွန်းနိုင်ငံ သည် သွေးစုပ်ပိုးမွှားများ ကင်းစင်သော ကမ္ဘာ့ နေရာအနည်းငယ်တွင် ကာလကြာရှည်စွာ ပါဝင်ခဲ့သည်။
ကမ္ဘာပေါ်တွင် ကာလကြာရှည်စွာ ခြင်ကင်းစင်သော နေရာတစ်ခုဖြစ်သည့် အိုက်စလန်ကျွန်းနိုင်ငံတွင် ပထမဆုံးသော ခြင်များကို ရှာဖွေတွေ့ရှိခဲ့ကြောင်း သုတေသီတစ်ဦးက တနင်္လာနေ့တွင် ပြောကြားခဲ့ သည်ဟု သိရသည်။ ကူလီစီတာ အန်နူလာတာ ခြင် ၃ ကောင်၊ ခြင်အမ ၂ ကောင် နှင့် အထီး ၁ ကောင်တို့ကို မြို့တော် ရေကယာဗစ် မြောက်ဘက် ကီလိုမီတာ ၃၀ (မိုင် ၂၀) အကွာတွင် မြင်တွေ့ခဲ့ရကြောင်း အိုက်စလန် သဘာဝသိပ္ပံ အင်စတီကျုမှ ပညာရှင် မက်သီးယပ်စ် အဲဖရက်ဆင် က ပြောကြားခဲ့ကြောင်း သိရသည်။
ပိုးမွှားတွေကို ဆွဲဆောင်ဖို့ ရည်ရွယ်ပြီး ဝိုင်ကြိုးတွေကနေ စုဆောင်းခဲ့တာပါ” လို့ သုတေသီက ဝိုင်အပူထဲကို သကြားထည့်ဖျော် အဲဒီအရည်ထဲကို ချည်မျှင်ကြိုးနှစ်ပြီး စိမ်တဲ့နည်းကို ရည်ညွန်းကာ အင်းဆက်ပိုးမွှားတွေကို အချိုအရ သာနဲ့ဆွဲ ဆောင်ဖို့အတွက် အဲဒီအပူပေး ထားတဲ့ဝိုင် ထဲ သကြားထဲ့ဖျော်ထားတဲ့ ဝိုင်အချိုရည်ထဲနှစ် ပြီး စိမ်ထားတဲ့ ချည်မျှင်ကြိုးကို ချိတ်ဆွဲထား တဲ့ နည်းနဲ့ ခြင်တွေကို ဖမ်းယူပါတယ် လို့ သုတေသီ က ပြောပြကြောင်း သိရသည်။
“ဒါဟာ အိုက်စလန်ရဲ့ သဘာဝပတ်ဝန်း ကျင်မှာ ပေါက်ပွားတဲ့ ခြင်တွေရဲ့ ပထမဆုံး မှတ်တမ်းပါပဲ။ အေးဒီးစ် နီဂရိပီးစ် (အာတိတ်ခြင်မျိုးစိတ်) ကို ကက်ဖလာဗစ် လေဆိပ်မှာ လွန်ခဲ့တဲ့ နှစ်ပေါင်း များစွာက လေယာဉ်တစ်စင်းပေါ်ကနေ စုဆောင်းခဲ့ ပါတယ်” လို့ အယ်လ်ဖရက်ဆင် က ပြောကြားပြီး “ကံမကောင်းစွာနဲ့ အဲဒီမျိုးစိတ်က ပျောက်ဆုံးသွားပါတယ်” ဟု အယ်လ်ဖရက်ဆင် က ပြောကြားခဲ့သည်။
Ref: အေအက်ဖ်ပီ