မွမ်ဘိုင်း၊ဇူလိုင် ၂၂
အိန္ဒိယနိုင်ငံအနောက်ပိုင်း၌ မြေပြိုမှုများဖြစ်ပေါ်နေရာမှ ယခုအခါတွင် မြေပြိုမှုကြောင့် သေဆုံးသူ ၂၆ ဦးအထိရှိလာပြီဖြစ်ပြီး ဒါဇင်နှင့်ချီပျောက်ဆုံးနေကြောင်းသိရသည်။ပျောက်ဆုံးနေသူများသည် အပျက်အစီးများနှင့် ရွှံ့၊နွံများအတွင်း ပိတ်မိနေနိုင်ကြောင်းလည်းသိရသည်။
အိန္ဒိယတိုင်းမ်စ်သတင်းစာ၏ဖော်ပြချက်အရ လက်ရှိအချိန်အထိ ပျောက်ဆုံးနေသူ ၈၀ ဦးရှိကြောင်းသိရှိရသည်။
ယခုလက်ရှိအချိန်အထိ လူဦးရေမည်မျှပိတ်မိနေသေးသည်ကို ဆုံးဖြတ်၍မရနိုင်သေးကြောင်းလည်းတာဝန်ရှိသူတစ်ဦးကပြောကြားခဲ့သည်။မိုးအဆက်မပြတ်ရွာသွန်းခြင်းကြောင့်မြင်ကွင်းမရှင်းခြင်းနှင့် တောင်ကုန်းမြေပြင်များကြောင့်လည်း ကယ်ဆယ်ရေးလုပ်ငန်းများ အဟန့်အတားဖြစ်နေကြောင်းပြောကြားခဲ့သည်။
မြေပြိုမှုကြောင့် အိမ်ခြေ ၁၆ လုံးမှ ၁၇ လုံးခန့် ပျက်စီးခဲ့ရပြီး ကျန်မိသားစုအများအပြားကိုလည်းနေရာရွှေ့ပြောင်းပေးထားကြောင်း အဆိုပါတာဝန်ရှိသူကဆက်လက်ပြောကြားခဲ့သည်။
Source : Reuters