အာဆီယံ ကို စည်းလုံးညီညွတ်ရန် အနူတင် တိုက်တွန်း

ကြီးမားလာသောပထဝီနိုင်ငံရေး မတည်ငြိမ်မှုနှင့် စီးပွားရေး မရေရာမှုများကို ရင်ဆိုင်နေရချိန်တွင် အာဆီယံအတွင်း ပိုမိုခိုင်မာသော ဒေသတွင်းစည်းလုံးညီညွတ်မှု၊ ပြန်လည်ရုန်းထနိုင်စွမ်းရှိမှုနှင့် ကမ္ဘာတစ်ဝန်းနှင့် ဆက်စပ ပတ်သက်မှုတို့ ရှိစေရန် ထိုင်းဝန်ကြီးချုပ် အနူတင် ချန်ဗီရာကူလ်က တောင်းဆိုခဲ့သည်။

 အရှေ့အလယ်ပိုင်း ပဋိပက္ခကဲ့သို့သော အကျပ်အတည်းများသည် ပိုမိုကျယ်ပြန့်ပြီး ခန့်မှန်းရခက်သော နိုင်ငံတကာအစီအစဉ်ကို ထင်ဟပ်နေကာ ကမ္ဘာ့အခြေအနေများသည် အလျင်အမြန်ပြောင်းလဲနေကြောင်း မစ္စတာ အနူတင်က အလေးပေးပြောကြား ခဲ့သည်ဟု သောကြာနေ့က ဖိလစ်ပိုင်နိုင်ငံ စီဘူးကျွန်းတွင် ကျင်းပခဲ့သော အာဆီယံခေါင်းဆောင်များ၏ ထိပ်သီးအစည်းအဝေးအပြီး ပြုလုပ်သော သတင်းစာရှင်းလင်းပွဲတွင် ဝန်ကြီးချုပ်ရုံး ပြောရေးဆိုခွင့်ရှိသူ ရာချာဒါ ဒါနာဒီရက်ခ်က ပြောကြားခဲ့သည်။

နိုင်ငံတကာ အသိုက်အဝန်းက ကြာမြင့်စွာ အားကိုးအားထားပြုခဲ့သော ဘက်စုံစနစ်သည် သိသာထင်ရှားသော ပြောင်းလဲမှုများဖြစ်ပေါ်နေကာ “ကမ္ဘာကြီးသည် အရင်လိုပြန်မဖြစ်တော့ပါ” ဟု ဝန်ကြီးချုပ်က မှတ်ချက်ပြု ပြောကြားခဲ့ကြောင်း ရာချာဒါက ပြောကြားခဲ့သည်။

အာဆီယံသည် ဆွေးနွေးမှု၊ ချုပ်တည်းမှုနှင့် အငြင်းပွားမှုကို ငြိမ်းချမ်းစွာဖြေရှင်းမှု ကဲ့သို့သော အခြေခံ မူများကို အလိုအလျောက်ဖြစ်ပေါ်လာမည်ဟု ယူဆ၍ မရတော့ကြောင်းနှင့် ယင်းမူများကို တက်ကြွစွာ ဖြင့် အား ကောင်း ခိုင်မာ စေရမည်ဟု သတိပေးခဲ့သည်။

၁၁ နိုင်ငံပါဝင်သော အစုအဖွဲ့သည် ဖြစ်လာသည့် အခြေအနေအပေါ်မူတည်၍ တုန့်ပြန်သော ရပ်တည်ချက်ကို ထားရှိခြင်းထက် ပိုမိုလျင်မြန်ဖျတ်လတ်မှုနှင့် မဟာဗျူဟာမြောက် သော ကြိုတင် အမြင်ဖြင့် ပေါ်ပေါက်လာသော စိန်ခေါ်မှုများကို တုန့်ပြန်ရန် လိုအပ်ကြောင်း ကိုလည်း ၎င်းက ပြောကြားခဲ့သည်။

Ref: ဘန်ကောက်ပို့စ်