တာမွေမြို့နယ်၊ မေတ္တာညွှန့်ရပ်ကွက်၊ မြလေးရုံလမ်းတွင် နေထိုင်သူ အသက် (၇၄) နှစ်အရွယ်အဖိုးအိုသည် မိသားစုပြသနာကြောင့်မိမိကိုယ်ကို ကြိုးဆွဲချသေဆုံးခဲ့ကြောင်း သိရသည်။
အောက်တိုဘာ (၈) ရက် ၊ နေ့လယ် (၁၁) နာရီဝန်းကျင်အချိန်ခန့်က အဖိုးအိုသည် စာတစ်စောင်ချန်ထားခဲ့ပြီး ရေချိုးခန်းအတွင်း ကြိုးဆွဲချေ-သဆုံးခဲ့ခြင်းဖြစ်ကြောင်း သိရသည်။
ယင်းအမျိုးသားမှာ ဦးဇော်ဝင်း(၇၄) နှစ်ဆိုသူဖြစ်ပြီး ၎င်း၏အလောင်း ကို တွေ့ရှိချိန်တွင် ဝတ်ဆင်ထားသည့် အင်္ကျီအိတ်ကပ်အတွင်း စာတစ်စောင်ထားရှိခဲ့ခြင်းဖြစ်သည်။
” မြလေးရုံလမ်းထဲမှာ လူတစ်ယောက် ကြိုးဆွဲချသတ်သေတယ်လို့ သိရတယ်။ အသက်တော့ကြီးနေပါပြီ။ မိသားစုကိစ္စအဆင်မပြေလို့ ဒီလိုလုပ်သွားတယ်ဆိုပြီးရေးထားတယ်။ မိသားစုဝင်တွေလည်းရှိတယ် အဲဒီအချိန် ” ဟု မြလေးရုံလမ်း တွင် နေထိုသူတစ်ဦးက ပေါ်ပြူလာနယူစ်းသို့ ပြောသည်။
မေတ္တာညွှန့် လူမှုကယ်ဆယ်ရေးအဖွဲ့မှ အခင်းဖြစ်နေရာသို့ သွားရောက်ခဲ့သော်လည်း ေ-သဆုံးနေပြီဖြစ်၍ သက်ဆိုင် ရာသို့အကြောင်းကြားပေးခဲ့ကြောင်း သိရသည်။
ထို့နောက် ရုပ်အလောင်းကို မေတ္တာမျှဝေ ပရဟိတနာရေးယာဉ်ဖြင့် သင်္ဃန်းကျွန်းစံပြဆေးရုံကို ပို့ဆောင်ခဲ့ကြောင်း သိရသည်။
ပြီးခဲ့သည့်ရက်ပိုင်းကလည်း အကြွေးမဆပ်နိုင်၍ အဘွားအိုတစ်ဦး မိမိကိုယ်ကို အဆုံးစီရင်မှုနေပြည်တော်တွင် ဖြစ်ပွားခဲ့ကြောင်း သိရသည်။
ဓာတ်ပုံ-MNRO