ရှမ်းပြည်နယ်မြောက်ပိုင်း နောင်ချိုမြို့နယ်နှင့် ကျောက်မဲမြို့ကို ဆက်သွယ်ထားသည့် မန္တလေး-လာရှိုး ရထားလမ်းပေါ်ရှိ ဂုတ်ထိပ်တံတားဖျက်ဆီးခံရကြောင်း သိရှိရကြောင်း မြန်မာနိုင်ငံအမျိုးသားလူအခွင့်ရေးကော်မရှင် MNHRC က ယနေ့တွင် ထုတ်ပြန်သည်။
အဆိုပါအဖျက်လုပ်ရပ်သည် အများပြည်သူ သယ်ယူပို့ဆောင်ရေး နှင့် ဒေသခံပြည်သူများ၏ နေ့စဥ်ဘဝနှင့် စီးပွားရေးဆောင်ရွက်မှုများအပေါ် ပြင်းထန်းစွာထိခိုက်စေသည်သာမက မြန်မာနိုင်ငံ၏ သမိုင်းဝင်အမွေအနှစ်တစ်ခုကို ထိခိုက်ပျက်ဆီးစေခြင်းဖြစ်ကြောင်း လူအခွင့်ရေးကော်မရှင်က ထုတ်ပြန်ချင်တွင် ဖော်ပြထားသည်။
ထိုပြင် အများပြည်သူ သို့မဟုတ် ပုဂ္ဂလိက အတွက် အရေးကြီးသည့် အခြေခံအဆောက်ဦးများကို ထိခိုက်ဆုံးရှုံးစေရန် ပြုလုပ်မှုဖြစ်၍ အကြမ်းဖက်မှုတိုက်ဖျက်ရေးဥပဒေ ပုဒ်မ ၂ (ဂ)အရ အကြမ်းဖက်မှုဖြစ်ကြောင်းလည်း အသိပေးထားသည်။
ဂုတ်ထိတ်တံတားဖျက်ဆီးသည့် အကြမ်းဖက်မှုလုပ်ရပ်သည့် နိုင်ငံနှင့်ပြည်သူအတွက် ကြီးမားသောဆုံးရှုံးမှုဖြစ်စေပြီး ငြိမ်းချမ်းရေး တရားဥပဒေစိုးမိုးရေးနှင့် လူအခွင့်ရေးတို့ကို ခြိမ်းခြောက်သည့်လုပ်ရပ်ဖြစ်သည်ဟု မှတ်ယူကြောင်း မြန်မာနိုင်ငံအမျိုးသားလူအခွင့်ရေးကော်မရှင် က အသိပေးထုတ်ပြန်ထားသည်။
ကုလသမဂ္ဂအပါအဝင် နိုင်ငံတကာအသိုက်အဝန်းအနေဖြင့် တရားဥပဒေစိုးမိုးရေးနှင့် လုံခြုံရေးကိုခြိမ်းခြောက်သည့် ရာဇဝတ်မှုမြောက်၍ တရားမျှတမှုမရှိသောအကြမ်းဖက်ကျူးလွန်မှုအားလုံးကို ပြတ်ပြတ်သားသားရှုတ်ချကြောင်း အသိအမှတ်ပြုထားသည်ဟု ထုတ်ပြန်ချက်၌ရေးသားဖော်ပြခဲ့သည်။
အဆိုပါ ဂုတ်ထိပ်တံတားအား နိုင်ငံတော်အစိုးရနှင့် ဒေသခံပြည်သူများက လက်ဆင့်ကမ်းထိန်းသိမ်းစောင့်ရှောက်ခဲ့သော နိုင်ငံ၏ အထင်ကရနှင့် သမိုင်းဝင်တံတားဖြစ်သည်။
Photo – credit