အမေရိကန်နှင့် ၎င်း၏မဟာမိတ်များသည် F-16 ဂျက်တိုက်လေယာဉ်များအတွက် ယူကရိန်းလေယာဉ်မှူးများကို ဆက်လက်လေ့ကျင့်ပေးမည်

အမေရိကန် ပြည်ထောင်စုနှင့် သူ၏ မဟာမိတ်များ၊ မိတ်ဖက်များသည် အမေရိကန် F-16 တိုက်လေယာဉ်များအတွက် ယူကရိန်း လေယာဉ်မှူးများကို ဆက်လက် လေ့ကျင့်သင်ကြားပေးသွားရန် စီစဉ်နေကြောင်း ပင်တဂွန်၏ လက်ထောက် သတင်းရေး ပြန်ကြားရေးမှူး ဆာဘရီနာဆင်းက ပုံမှန် သတင်းစာ ရှင်းလင်းပွဲတွင် ပြောကြားခဲ့သည်။

ယူကရိန်းဒုတိယကာကွယ်ရေးဝန်ကြီး Sergey Melnyk က US F-16 တိုက်လေယာဉ်များပေါ်တွင် ယူကရိန်းလေယာဉ်မှူးများအတွက် လေ့ကျင့်ရေးကာလကို သုံးလလျှော့ချလိုက်ကြောင်း အစောပိုင်းတွင် ပြောကြားခဲ့သည်။

F-16 ဂျက်တိုက်လေယာဉ် ဒုတိယအသုတ်သည် ဒိန်းမတ်မှ ယူကရိန်းသို့ ရောက်ရှိလာကြောင်းကိုလည်း ဇလန်းစကီးက အသိပေးခဲ့သည်။ တိုက်လေယာဉ် မည်မျှ ရောက်ရှိလာခြင်းကိုမူ သူက အတိအကျ မပြောပေ။ ဒိန်းမတ်အာဏာပိုင်များက F-16 တိုက်လေယာဉ် ခြောက်စင်းကို ၂၀၂၄ခုနှစ် နိုဝင်ဘာလအတွင်း ယူကရိန်းထံ လွှဲပြောင်းပေးအပ်ခဲ့ပြီး နောက်ထပ် လေယာဉ် ၁၃ စင်းကိုလည်း ပို့ဆောင်ရန် စီစဉ်ထားကြောင်း ဒိန်းမတ်အာဏာပိုင်များက ပြောကြားခဲ့သည်။

F-16 ဂျက်တိုက်လေယာဉ်များသည် ရန်လိုမှုလမ်းကြောင်းကို ပပျောက်စေနိုင်မည်မဟုတ်ကြောင်းနှင့် ရုရှားလက်နက်ကိုင်တပ်ဖွဲ့များက ယင်းတို့ကို ဆက်တိုက် ဖျက်ဆီးပစ်မည်ဖြစ်ကြောင်း ရုရှားနိုင်ငံခြားရေးဌာန ပြောရေးဆိုခွင့်ရှိသူ မာရီယာဇာခါရိုဗာက အစောပိုင်းကပင်လျှင် ပြောကြားခဲ့သည်။