ရန်ကုန်မြို့ရှိ အထက်ပုဇွန်တောင်လမ်းမကြီးတစ် လျှောက်၌ ရန်ကုန်လျှပ်စစ်ဓာတ်အားပေးရေးကော်ပို ရေးရှင်းမှ လမ်းလယ်မီးတိုင်များကိုတပ်ဆင်တည် ဆောက်လျက်ရှိရာ ရန်ကုန်တိုင်းဝန်ကြီးချုပ်ဦးစိုးသိန်းမှ ယမန်နေ့ အောက်တိုဘာ ၃၁ ရက်ညပိုင်းက ကြည့်ရှုစစ်ဆေးခဲ့ကြောင်း သိရသည်။
အထက်ပုဇွန်တောင်လမ်းမကြီးတစ်လျှောက် လမ်းလယ်မီးတိုင်များတပ်ဆင်တည်ဆောက်နေမှု၊ လမ်းလယ်လမ်းမီးတိုင်များ မီးထွန်းလင်းနိုင်ရေးအခြေအနေတို့ကိုကြည့်ရှုစစ်ဆေးပြီးနောက် လုပ်ငန်းများအားသတ်မှတ်ကာလအတွင်း စံချိန်စံညွှန်းနှင့်အညီ ပြီးစီးအောင်ဆောင်ရွက်ရန်၊ လမ်းသားများခွဲရာတွင် စနစ်တကျဆောင်ရွက်ရန်တို့ကိုမှာကြားခဲ့ကြောင်း သိရသည်။
ရန်ကုန်မြို့တော်ဖွံ့ဖြိုးတိုးတက်ရေးအတွက် လမ်းမကြီးများကိုတိုးချဲ့အဆင့်မြင့်တင်ခြင်း၊ ယာဉ်အန္တရာယ် ကင်းရှင်းရေးဆောင်ရွက်ခြင်း၊ သန့်ရှင်းသာယာလှပရေး၊ ရန်ကုန်မြို့၏ အဓိကလမ်းမကြီးများတွင် ညအခါ နှစ်ဖက်ယာဉ်ကြောကိုအလင်းပေးနိုင်သည့် လမ်းလယ်မီးတိုင်များစိုက်ထူ၍ မီးထွန်းလင်းရေးနှင့် အထက်ပုဇွန်တောင်လမ်းမကြီးတစ်လျှောက် မင်္ဂလာတောင်ညွန့်မြို့ နယ်၊ ဂျပန်-မြန်မာချစ်ကြည်ရေးတံတားမှ အထက်ပုဇွန်တောင်လမ်းအထိနှင့် သမိန်ဗရမ်းလမ်းမကြီးတစ် လျှောက် တာမွေမြို့နယ်၊ တာမွေအဝိုင်းထိပ်မှ မင်္ဂလာ တောင်ညွန့်မြို့နယ် သာကေတတံတား(ငမိုးရိပ်)အထိ လမ်းလယ်မီးတိုင်(၁၂၁)တိုင်၊ လမ်းမီးလုံး(150W) (၂၅၆)လုံး၊ မြေအောက်လမ်းမီးလိုင်းကြိုး(၁၃,၆၀၄) ပေကို တည်ဆောက်တပ်ဆင်လျက်ရှိကြောင်း သိရသည်။