အစ္စရေးနှင့် ပါလက်စတိုင်းတို့အကြား သမိုင်းတစ်လျှောက် အေ-သအပျေ-ာက်အများဆုံး တို-က်ခို-က်မှုများကို ဖြစ်ပေါ်စေခဲ့သည့် ဂါဇာစစ်ပွဲကြီးကို အဆုံးသတ်ရန် ရည်ရွယ်သော အပ-စ်အခ-တ်ရပ်စဲရေး သဘောတူညီချက်ကို အစ္စရေးနှင့် ဟားမတ်စ်တို့ သဘောတူညီခဲ့ကြသည်။
“အစ္စရေးနှင့် ဟားမတ်စ် နှစ်ဖက်စလုံးသည် ကျွန်ုပ်တို့၏ ငြိမ်းချမ်းရေးအစီအစဉ်၏ ပထမအဆင့်ကို လက်မှတ်ရေးထိုးခဲ့ကြပြီ” ဟု သမ္မတ ထရမ့်က သူ၏ Truth Social တွင် ပြောကြားခဲ့သည်။
“ဆိုလိုသည်မှာ ဓါးစာခံအားလုံးကို မကြာမီတွင် ပြန်လွှတ်ပေးမည်ဖြစ်ပြီး၊ အစ္စရေးသည် ခိုင်မာသော၊ ရေရှည်တည်တံ့သော ထာဝရငြိမ်းချမ်းရေးဆီသို့ ဦးတည်သည့် ပထမဆုံးခြေလှမ်းအဖြစ် သဘောတူညီထားသော နယ်မြေစည်းမျဉ်းအတိုင်း သူတို့၏ တပ်ဖွဲ့များကို ပြန်လည်ရုပ်သိမ်းပေးမည်ဖြစ်သည်။ နှစ်ဖက်စလုံးကို တရားမျှတစွာ ဆက်ဆံသွားမည်။ ဤသည်မှာ အာရပ်နှင့် မူဆလင်ကမ္ဘာ၊ အစ္စရေး၊ ပတ်ဝန်းကျင်ရှိ နိုင်ငံအားလုံးနှင့် အမေရိကန်ပြည်ထောင်စုအတွက် ကြီးမားသည့် နေ့တစ်နေ့ဖြစ်သည်၊ ဤသမိုင်းဝင်နှင့် မကြုံစဖူးသော အဖြစ်အပျက်ကို ဖြစ်မြောက်အောင် ကျွန်ုပ်တို့နှင့်အတူ လုပ်ဆောင်ပေးခဲ့သည့် ကာတာ၊ အီဂျစ်နှင့် တူရကီနိုင်ငံများမှ ကြားဝင်စေ့စပ်သူများကိုလည်း ကျေးဇူးတင်ရှိပါသည်။ ငြိမ်းချမ်းရေး ဖန်တီးသူတို့အပေါ် ကောင်းချီးမင်္ဂလာရှိစေသတည်း”ဟုလည်း ထရမ့်က ရေးသားထားသည်။
အဆိုပါ ကြေညာချက်သည် သမ္မတ ထရမ့်က အစောဆုံး ယခုသီတင်းပတ်ကုန်တွင် အရှေ့အလယ်ပိုင်းသို့ ခရီးသွားရန် အသင့်ရှိကြောင်း အိမ်ဖြူတော်တွင် သတင်းထောက်များကို ပြောကြားပြီး နာရီပိုင်းအကြာတွင် ထွက်ပေါ်လာခဲ့ခြင်းဖြစ်သည်။
အစ္စရေးနှင့် ဟားမတ်စ်တို့သည် တို-က်ရို-က်စကားပြောဆိုခြင်း မရှိသောကြောင့် သမ္မတ ထရမ့်၏ အရှေ့အလယ်ပိုင်းဆိုင်ရာ အထူးသံတမန် စတိဗ် ဝစ်တ်ကော့ဖ်၊ သမ္မတ၏ သမက် ဂျာရက် ကူရ်ှနာ၊ အီဂျစ်၊ ကာတာနှင့် တူရကီနိုင်ငံများမှ ကြားဝင်စေ့စပ်သူများတို့က အီဂျစ်နိုင်ငံ၌ ကြားခံဆွေးနွေးမှုများ ပြုလုပ်ခဲ့ရသည်။
အပ-စ်အခ-တ်ရပ်စဲရေး သဘောတူညီချက် မည်သည့်အချိန်တွင် စတင်အသက်ဝင်မည်ကို ရှင်းရှင်းလင်းလင်း မသိရသေးပေ။ အစ္စရေးဝန်ကြီးချုပ် ဘင်ဂျမင် နေတန်ယာဟုကမူ ကက်ဘိနက်အစည်းအဝေးကို ကြာသပတေးနေ့တွင် ပြုလုပ်မည်ဖြစ်ကြောင်းနှင့် ထိုအစည်းအဝေးတွင် “သဘောတူညီချက်ကို အတည်ပြုရန်နှင့် ကျွန်ုပ်တို့၏ ချစ်လှစွာသော ဓါးစာခံအားလုံးကို အိမ်သို့ ပြန်ခေါ်လာနိုင်ရန်” အပ-စ်အခ-တ်ရပ်စဲရေး သဘောတူညီချက်နှင့် ပတ်သက်၍ မဲပေးဆုံးဖြတ်ချက်ချဖွယ်ရှိကြောင်း ဆိုရှယ်မီဒီယာတွင် အတည်ပြုရေးသားခဲ့သည်။
ထိုပို့စ်တွင်ပင် နေတန်ယာဟုက “ကျွန်ုပ်တို့၏ ဓါးစာခံများကို လွတ်မြောက်စေရေးအတွက် မြင့်မြတ်သော ဤတာဝန်ကို အပ်နှံပေးသည့်အတွက် သမ္မတ ထရမ့်နှင့် ၎င်း၏အဖွဲ့အား စိတ်ရင်းမှန်ဖြင့် ကျေးဇူးတင်ရှိကြောင်း” ပြောကြားခဲ့သည်။
ယခု သဘောတူညီချက်တွင် ဟားမတ်စ်မှ အသက်ရှင်သူနှင့် ေ-သဆုံးသူ ဓါးစာခံ ၅၀ နီးပါးကို ပြန်လွှတ်ပေးရန်နှင့် အစ္စရေးဖက်မှလည်း ပါလက်စတိုင်း အကျဉ်းသားနှင့် ဖမ်းဆီးထိန်းသိမ်းခံထားသူ ၂,၀၀၀ နီးပါးကို ပြန်လွှတ်ပေးရန် တောင်းဆိုထားသည်ဟု ယုံကြည်ရသည်။