နိုင်ငံခြားရေးဝန်ကြီးဌာန ဒုတိယပြောရေးဆိုခွင့်ရှိသူ Panidone Pachimsawat က ယမန်နေ့က သတင်းစာရှင်းလင်းပွဲတွင် ခရီးစဉ်နှင့် ပတ်သက်၍ အတည်ပြုပြောကြားခဲ့ပြီး ခရီးစဉ်သည် ဗိုလ်ချုပ်ကြီးပရာဘိုဝို ၂၀၂၄ ခုနှစ်တွင် သမ္မတတာဝန်ယူပြီးနောက်ပိုင်း ပထမဆုံး ထိုင်းနိုင်ငံခရီးစဉ်ဖြစ်လိမ့်မည်ဟု ဆိုခဲ့သည်။ ထိုအပြင် နှစ်ပေါင်း ၂၀ အတွင်း အင်ဒိုနီးရှား သမ္မတတစ်ဦး၏ ပထမဆုံး ထိုင်းနိုင်ငံ ခရီးစဉ်လည်းဖြစ်သည်။
ဗိုလ်ချုပ်ကြီး ပရာဘိုဝိုသည် ထိုင်းဝန်ကြီးချုပ် ပေတုံတန်ရှင်နာဝပ်ထရာနှင့် တွေ့ဆုံမည်ဖြစ်ပြီး ၎င်းတို့သည် ထိုင်း-အင်ဒိုနီးရှား မဟာဗျူဟာမြောက် မိတ်ဖက်ဆက်ဆံရေးအစီအစဉ်ကို ပူးတွဲကြေညာသွန်းမည်ဟု မျှော်လင့်ရသည်။
မေလ ၂ ရက်နေ့က ထိုင်းနိုင်ငံ၌ ထိုင်းနိုင်ငံခြားရေးဝန်ကြီး မာရစ်ဆန်ဂီယမ်ပွန်ဆာနှင့် အင်ဒိုနီးရှားနိုင်ငံခြားရေးဝန်ကြီး ဆူဂီအိုနိုတို့ ပူးတွဲကမကထပြုကျင်းပခဲ့သည့် ၁၀ ကြိမ်မြောက် ပူးတွဲကော်မရှင်အစည်းအဝေးအတွင်း မိတ်ဖက်ဆက်ရေးကို သဘောတူညီထားခဲ့ကြသည်။
“နှစ်နိုင်ငံအကြား သံတမန်ဆက်ဆံရေး ၇၅ နှစ်မြောက် နှစ်ပတ်လည်နဲ့ တို-က်ဆိုင်နေတာမို့ ဒီခရီးစဉ်က အထူး အဓိပ္ပါယ်ရှိပါတယ်” ဟု မစ္စတာ Panidone က ပြောကြားခဲ့သည်။
ခရီးစဉ်အတွင်း အစိုးရအိမ်တော်၌ ကြိုဆိုခြင်း၊ နှစ်နိုင်ငံအစည်းအဝေးကျင်းပခြင်း၊ သဘောတူညီချက်များနှင့် နားလည်မှုစာချွန်လွှာများ လက်မှတ်ရေးထိုးခြင်း၊ ပူးတွဲသတင်းစာရှင်းလင်းခြင်းနှင့် အင်ဒိုနီးရှား ကိုယ်စားလှယ်အဖွဲ့အား ထိုင်းဝန်ကြီးချုပ်က နေ့လည်စာဖြင့် တည်ခင်းဧည့်ခံခြင်းတို့ ပါဝင်မည်ဖြစ်သည်။
Ref: ဘန်ကောက်ပို့စ်