ဒီနှစ်သင်္ကြန် မှာတော့ တေးရေး စိုးလင်းက သင်္ကြန်ခွေ ၂ခွေ စီစဉ်ထားကြောင်း သိရတယ်။ သင်္ကြန် သီချင်းခွေနဲ့ ပရိသတ် အားပေးမှု ရရှိထားတဲ့ စိုးလင်းက ဒီနှစ်မှာတော့ အရင်နှစ် တွေနဲ့မတူတဲ့ အမျိုးသား အဆိုတော်များစွာ ပါဝင်တဲ့ April King သင်္ကြန်ခွေ အသစ်ဖြန့် ချိ သွားမှာဖြစ်ကြောင်း သိရပါတယ်။
“ဒီအခွေ ကို ဒီနှစ်မှ စလုပ်ဖြစ်တာ၊ လုပ်နေကျပုံစံ မဟုတ်ဘူး။ မြန်မာဆန်တဲ့ သီချင်း တွေများတယ်။ တစ်ခွေလုံး ကိုယ်ပိုင် သံစဉ်တွေ ပါမယ်။ ဗုံသီချင်း ၈ပုဒ် ပါတယ်။ သင်္ကြန်စာသား ၁ဝဝ%ပဲ ရေးထားတယ်။ ဒီအခွေမှာ စည်သူလွင်၊ ဂရေဟမ်၊ ဇော်ပိုင်၊ ဟဲလေး၊ ဒီယံ၊ အစ္စဏီ၊ ဖြိုးပြည့်စုံ၊ ဇွဲပြည့်၊ အမွန်း၊ Group Songတစ်ပုဒ်ပါမယ်။ ကလေး၎ယောက် ဆိုထားပါမယ်။ စုစုပေါင်း သီချင်း ၁၂ပုဒ်ပါမယ်” လို့ တေးရေး စိုးလင်းက ပြောပါတယ်။ ၆ ခွေမြောက် ထွက်ရှိမယ့် April Queen စီးရီးခွေမှာတော့ ဆူဇီ၊ ရတနာမိုင်၊ အိမ့်ချစ်၊ ခင်စုစုနိုင်၊ အမွန်း၊ ထွန်းရတီ၊ ဝိုင်းလေး၊ ကာကာ၊ ရွယ်ရွယ်၊ ဂျူဝယ်၊ ယုယသံစဉ်၊ ပန်းရောင်ခြယ် တို့က ပါဝင် သီဆို ပေးထားကြောင်း သိရပါတယ်။
“ဒီအခွေမှာက အရင် လုပ်နေကျ ပုံစံပါပဲ။ ဒါပေမဲ့ ဒီနှစ်က ၁၂ ပုဒ်မှာ ၁ဝပုဒ်က အချစ် စာသားများတယ်။ ၂ ပုဒ်လောက်ပဲ ဒဿန ပါတယ်။ အရင်တုန်းက ပရိသတ် ကြိုက်ခဲ့တဲ့ ပုံစံလေးပါပဲ။ ဒီအခွေကိုလည်း ပရိသတ်တွေ သဘောကျ နှစ်သက် မယ်လို့ ထင်တယ်။ Featuring အနေနဲ့က ဒီယံ၊ ဝေလျှံပါမယ်” လို့ ပြောပါတယ်။
“April King” နှင့် “April Queen” သင်္ကြန်ခွေ၂ခွေကိုတော့ ဖေဖော်ဝါရီလကုန် မှာ စတင်ဖြန့်ချိ သွားမှာဖြစ်ကြောင်းလည်း သိရပါတယ်။
တွယ်တာ