သူလျှိုလုပ်မှုဖြင့် တရုတ်နိုင်ငံသားတစ်ဦးကို ဖိလစ်ပိုင် ဖ-မ်းဆီး

နိုင်ငံများ၏ ပထဝီနိုင်ငံရေးတင်းမာမှုများ မြင့်တက်နေချိန်တွင် ဖိလစ်ပိုင်အာဏာပိုင်များက သူလျှိုလုပ်မှုစွပ်စွဲချက်ဖြင့် တရုတ်နိုင်ငံသားတစ်ဦးနှင့် ကြံရာပါ ဖိလစ်ပိုင်နှစ်ဦးကို ဖ-မ်းဆီးလိုက်သည်ဟု တာဝန်ရှိသူများက တနင်္လာနေ့တွင် ပြောကြားခဲ့သည်။

မနီလာ၏ နိုင်ငံတော် စုံစမ်းစစ်ဆေးရေးဗျူရိုက တရုတ်နိုင်ငံသား ဆော့ဖ်ဝဲအင်ဂျင်နီယာကို ဇန်နဝါရီ ၁၇ ရက်တွင် ဖ-မ်းဆီးလိုက်ကြောင်း ညွှန်ကြားရေးမှုး ဂျိမ်း ဆန်တီယာဂိုက သတင်းစာရှင်းလင်းပွဲတွင် ပြောဆိုခဲ့သည်။

အဆိုပါအမှုတွင် တရုတ်နိုင်ငံသားများနှင့် သေခံများပါဝင်သော အုပ်စုတစ်ခုက စောင့်ကြည့်ထောက်လှမ်းခြင်းနှင့် စစ်ဆင်ရေးများလုပ်ဆောင်ခဲ့သည်ဟု ဆိုက်ဘာရာဇဝတ်မှုဌာနအကြီးအကဲ ဂျယ်ရီမီလိုတော့က ယင်းသတင်းစာရှင်းလင်းပွဲတွင် ပြောဆိုခဲ့သည်။

ပစ်မှတ်အခြေခံအဆောက်အဦ သုံးဖက်မြင်ပုံရိပ်ဖန်တီးနိုင်သည့် ကိရိယာတစ်ခုနှင့် ရေကြောင်းသွားလာမှုစနစ်အပါအဝင် ထောက်လှမ်းရေးကိရိယာများကို သံသယရှိသူများ အသုံးပြုသော ကားတစ်စီးတွင် တပ်ဆင်ထားခဲ့သည်ဟု တာဝန်ရှိသူများက ပြောဆိုသည်။

၎င်းတို့သည် အထူးအားဖြင့် စစ်စခန်းများ၊ ဒေသန္တရအစိုးရရုံးများ၊ ဓါတ်အားပေးစက်ရုံများ၊ ရဲစခန်းများ၊ ဘူတာရုံများကဲ့သို့ အရေးကြီးသော အခြေအခံအဆောက်အဦများနှင့် ဈေးဝယ်စင်တာများကိုပင် မကြာခဏ ထောက်လှမ်းခဲ့သည်ဟု လိုတော့က ပြောကြားခဲ့သည်။

ယခုသတင်းနှင့် ပတ်သက်၍ မှတ်ချက်ပေးရန် တောင်းဆိုမှုကို မနီလာရှိ တရုတ်သံရုံးက တုန့်ပြန်ဖြေကြားခြင်းမရှိကြောင်း သိရသည်။

Ref: ဘန်ကောက်ပို့စ်