ရှမ်းပြည်နယ်၊ သီပေါမြို့အား ပြန်လည်ထိန်းချုပ်သိမ်းပိုက်ခဲ့ပြီးနောက် အကြမ်းဖက်အဖွဲ့များဖျက်ဆီးသွားသည်များကို တပ်မတော်မှပြန်လည်ပြင်ဆင်ပေးသွားရန်ဆောင်ရွက်လျက်ရှိကြောင်း သိရသည်။
အကြမ်းဖက်အဖွဲ့ဝင်များသည် စာသင်ကျောင်းများ၊ ဆေးရုံ/ဆေးခန်းများ၊ ရုံး/ဌာနအဆောက်အအုံများ၊ ဘာသာရေးဆိုင်ရာအဆောက်အအုံများနှင့် လူနေအိမ်များအားဖျက်ဆီးခဲ့ကြသဖြင့် တပ်မတော်နှင့် ဒေသခံများပူးပေါင်း၍ ပြန်လည်ပြင်ဆင်မှုများကို အမြန်ဆုံးဆောင်ရွက်ပေးသွားမည်ဖြစ်ကြောင်း သိရသည်။
ထို့ပြင် သီပေါမြို့၌ ဒေသခံများအား လိုအပ်သည့်ကူ ညီထောက်ပံ့မှုများဆောင်ရွက်ပေးရန်နှင့် အစိုးရ၏အုပ် ချုပ်မှုယန္တရားများဖြစ်သည့် ရုံးများပြန်လည်ဖွင့်လှစ်နိုင်ရန်၊ စာသင်ကျောင်းများပြန်လည်ဖွင့်လှစ်ပေးနိုင်ရန်နှင့် ဒေသခံများအား ကျန်းမာရေးစောင့်ရှောက်မှုလုပ် ငန်းများပြုလုပ်နိုင်ရေးအတွက် ဆေးရုံများပြန်လည်ဖွင့်လှစ်နိုင်ရန်တို့အတွက် ဌာနဆိုင်ရာအဖွဲ့အစည်းများ ယနေ့ အောက်တိုဘာ ၁၈ ရက်က သီပေါမြို့သို့ရောက်ရှိလာခဲ့ကြကြောင်း သိရသည်။
ထို့အတူ သီပေါမြို့အား အကြမ်းဖက်အဖွဲ့များထိန်း ချုပ်ထားစဥ် ယာယီတိမ်းရှောင်နေကြသူများလည်း ပြန်လည်ဝင်ရောက်လာကြသဖြင့် ၎င်းတို့အား မြေမြုပ်မိုင်းအန္တရာယ်မှကင်းရှင်းစေရန်အတွက် မြို့/ရွာများအတွင်း မိုင်းရှင်းလင်းရေးလုပ်ငန်းများနှင့် လိုအပ်သောလုံခြုံရေးလုပ်ငန်းများကို တပ်မတော်မှဆက် လက်ဆောင်ရွက်ပေးလျက်ရှိကြောင်း သိရသည်။