သဘာဝဘေးအန္တရာယ်များ ကျရောက်လာပါက အရေးပေါ်ရှာဖွေကယ်ဆယ်ရေး လုပ်ငန်းများ ဆောင်ရွက်နိုင်ရန် ရန်ကုန်တိုင်း အစိုးရအနေဖြင့် ပြင်ဆင်ထားကြောင်း သိရသည်။
ယင်းသို့ ပြင်ဆင်ထားမှုများကို ရန်ကုန်တိုင်းဒေသကြီး သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့ ဥက္ကဌ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူက စစ်ဆေးခဲ့သည်။
ထို့နောက် တာဝန်ရှိသူများက ကယ်ဆယ်ရေးပစ္စည်းများ အသင့်စုဆောင်းထားရှိမှု၊ ဘေးအန္တရာယ်ကျရောက်ပါက အချိန်နှင့်တစ်ပြေးညီ တုံ့ပြန်ဆောင်ရွက်နိုင်ရန် စီစဉ်ထားရှိမှုများနှင့် စပ်လျဉ်း၍ ရှင်းလင်းတင်ပြကြရာ တိုင်းဒေသကြီးဝန်ကြီးချုပ်က သဘာဝဘေးအန္တရာယ်များ ကျရောက်လာပါက အရေးပေါ်ရှာဖွေကယ်ဆယ်ရေး လုပ်ငန်းများကို အချိန်ကြန့်ကြာမှုမရှိစေဘဲ စနစ်တကျ ထိရောက်စွာ ကူညီဆောင်ရွက်ပေးနိုင်ရေးနှင့် ပစ္စည်းကိရိယာများကို အမြဲအသင့်အနေအထား ဖြစ်နေစေရေးတို့အတွက် လိုအပ်သည်များကို လမ်းညွှန်မှာကြားခဲ့သည်။