တက္ကသိုလ်ဝင်စာမေးပွဲ၌ ရမှတ်ပေါင်း (၅၃၀) မှတ်ဖြင့် ဝိပ္ပံဘာသာတွဲမှ မြန်မာတစ်နိုင်ငံလုံး ပထမဆုရရှိခဲ့သည့် မနီနီကျော်အား ပြည်သူ့လွှတ်တော်ကိုယ်စားလှယ် ဦးအေးချမ်းက သွားရောက်ဂုဏ်ပြုတွေ့ဆုံခဲ့သည်။
မနီနီကျော်သည် လှိုင်သာယာအရှေ့ပိုင်းမြို့နယ်၌ နေထိုင်သူ ဖြစ်သည်။
သူမသည် ဖခင်ဖြစ်သူ ကွယ်လွန်သွားပြီးနောက် မိခင်ဖြစ်သူ ဒေါ်သန်းသန်းအေးနှင့်အတူ နေထိုင်ပြီး စက်ရုံအလုပ်သမားဖြစ်သူ အစ်မ၏ ထောက်ပံ့မှုဖြင့် (G-12) တက္ကသိုလ်ဝင်တန်းစာမေးပွဲတွင် ဝင်ရောက်ဖြေဆိုခဲ့ကာ မြန်မာတစ်နိုင်ငံလုံး ပထမဆုကို ဆွတ်ခူးရရှိခဲ့သူဖြစ်သည်။
၂၀၂၆ တက္ကသိုလ်ဝင်စာမေးပွဲတွင် တစ်နိုင်ငံလုံးအ တိုင်းအတာဖြင့် အောင်မြင်သူ(၁)သိန်း(၃)သောင်းကျော်ရှိခဲ့ကြောင်းလည်း မြန်မာနိုင်ငံစာစစ်ဦးစီးဌာန၏ စာရင်းများအရ သိရသည်။